اسلام آباد (اے بی این نیوز        ) وزیرِ مملکت/وزیراعظم کے معاونِ خصوصی برائے ڈیجیٹل میڈیا، فہد ہارون نے بدھ کے روز ایوانِ صدر میں قائم مقام صدرِ پاکستان اور چیئرمین سینیٹ،یوسف رضا گیلانی سے ملاقات کی۔
ملاقات کے دوران فہد ہارون نے قائم مقام صدر کو ڈیجیٹل میڈیا کے شعبے میں حالیہ پیش رفت سے آگاہ کیا، جن میں حکومت کی عوامی رسائی، مؤثر ابلاغ، اور ڈیجیٹل پلیٹ فارمز کے بہتر استعمال سے متعلق اقدامات شامل تھے۔
قائم مقام صدر یوسف رضا گیلانی نے ان اقدامات کو سراہا اور اس بات کا اعتراف کیا کہ ڈیجیٹل ذرائع ابلاغ کی مؤثر حکمت عملی عوامی رابطے کو بہتر بنانے اور مثبت قومی بیانیہ فروغ دینے میں اہم کردار ادا کر سکتی ہے۔
ملاقات کے دوران فہد ہارون نے ڈیجیٹل میڈیا کے بدلتے ہوئے منظرنامے اور اس میں بڑھتی ہوئی اہمیت پر روشنی ڈالی، اور بتایا کہ ان پلیٹ فارمز کو مؤثر، ذمہ دار اور تعمیری انداز میں استعمال کرنا وقت کی اہم ضرورت ہے۔

مزید پڑھیں  :عمران خان کا انتظارحسین پنجوتھہ اورنیازاللہ نیازی کے حوالے سے سخت فیصلہ ،جا نئے کیا