کراچی ( اے بی این نیوز ) پیپلز پارٹی کی مرکزی اطلاعات سیکریٹری کا وزیرِاعلیٰ پنجاب کی تنقید پر جواب۔ شازیہ مری نے کہا ہے کہ لیڈر دھمکیاں نہیں دیتے – وہ خدمت اور کارکردگی دکھاتے ہیں۔
پیپلز پارٹی نے ہمیشہ تنقید کے باوجود صبر کا راستہ اختیار کیا ہے۔ چیئرمین بلاول بھٹو کی توجہ ہمیشہ عوام پر رہی ہے اور رہے گی۔ باتوں سے نہیں، عملی کام سے قیادت نظر آتی ہے۔ چیئرمین پی پی پی نے مطالبہ کیا ہے کہ فوری ریلیف بی آئی ایس پی کے ذریعے دیا جائے۔
2022 کے سیلاب متاثرین کو بی آئی ایس پی کے ذریعے فی خاندان 25 ہزار روپے دیے گئے تھے۔ 2025 ہی میں وزیر اعظم شہباز شریف نے رمضان پیکیج کے لیے بھی بی آئی ایس پی کا ڈیٹا استعمال کیا۔
ہم کسانوں اور سندھ میں سیلاب سے متاثرہ افراد کی مدد پر توجہ جاری رکھیں گے۔ وزیرِاعلیٰ پنجاب کو یاد رکھنا چاہیے کہ لیڈر خدمت کرتے ہیں، دھمکیاں نہیں دیتے۔ قدرتی آفت کے وقت انا اور غرور کی نہیں بلکہ صرف عوام کی مدد کی اہمیت ہے۔ہم عوام کے لیے کام کرتے ہیں اور ان کا ریلیف ہماری ترجیح ہے۔
مزید پڑھیں :الیکٹرو بس کا کرایہ صرف 20 روپے
