لاہور(اے بی این نیوز)پنجاب حکومت نے سرکاری میڈیکل کالجزمیں داخلےکیلئے ایم ڈی کیٹ ٹیسٹ پاس کرناضروری م قرار دیدیا۔
وزیراعلیٰ پنجاب مریم نواز کی زیر صدارت اجلاس میں محکمہ صحت سے متعلق فیصلے کئے گئے ہیں۔پنجاب کے پبلک اورپرائیویٹ میڈیکل اینڈ ڈینٹل کالجز کے لیےایڈمشن پالیسی کی منظوری دیدی گئی ہے، سرکاری میڈیکل کالجز میں داخلے کے لیے ایم ڈی کیٹ ٹیسٹ پاس کرنا ضروری قرار دیا گیا ہے جبکہ اوور سیز پاکستانیز کے بچوں کے لیے ایم ڈی کیٹ میں 10ہزار ڈالر فیس مقرر کرنے کا فیصلہ کیا گیا ہے۔
پرائیویٹ میڈیکل کالج لسٹ میں نام آنے پرامیدوارکو یونیورسٹی آف ہیلتھ سائنسزمیں ایک تہائی فیس جمع ہوگی،پرائیویٹ میڈیکل اینڈ ڈینٹل کالجز کی حتمی میرٹ لسٹ آنے کے بعد یوایچ ایس متعلقہ کالج کوجمع شدہ ایک تہائی فیس ٹرانسفرکردے گی۔
داخلے کےخواہشمند طلبہ حتمی میرٹ لسٹ آنےپرمتعلقہ پرائیویٹ میڈیکل اینڈ ڈینٹل کالج میں ہی باقی فیس جمع کرائیں گے۔
علاوہ ازیں پرائیویٹ اسپتالوں میں پوسٹ گریجویٹ ٹریننگ کے بعد لازمی سروس کی باہمی تجویز پر اتفاق کیا گیا ہے، ٹرینی ڈاکٹر کو پرائیویٹ میڈیکل کالجز کے متعلقہ شعبے میں اسپیشلائزیشن کے لئے بھیجا جائے گا۔
مزید پڑھیں: کراچی ،ملیر میں 2 رائس ملز پر چھاپے،گندم کی 75 ہزار بوریاں برآمد
