اسلام آباد (اے بی این نیوز )نائب صدر پیپلز پارٹی سینیٹر شیری رحمان نے یوٹیلٹی اسٹورز کی بندش اور ملازمین سے کیے گئے وعدوں کی عدم تکمیل کو افسوسناک اور ظالمانہ قرار دیا
یوٹیلٹی اسٹورز قائد عوام ذوالفقار علی بھٹو کا عوامی تحفہ اور فلاحی وژن کی علامت تھے، شیری رحمان نے کہا کہ
مہنگائی کے اس طوفان میں سستے یوٹیلٹی اسٹورز بند کرنا عوام دشمنی ہے۔
حکومت عوام کو ریلیف دینے کے بجائے ان کی زندگی مزید مشکل بنا رہی ہے۔
ہزاروں یوٹیلٹی اسٹورز ملازمین تنخواہوں اور اعلان کردہ پیکج سے محروم ہیں۔
31اگست کو کیے گئے مالی پیکج کے اعلان پر تاحال کوئی عملی پیشرفت نہیں ہوئی۔
اپریل سے اگست تک تنخواہوں کی عدم ادائیگی بے حسی کی واضح مثال ہے۔
مالی پیکج کا صرف اعلان کافی نہیں، عملدرآمد نہ ہونا ریاستی وعدہ خلافی کی بدترین مثال ہے۔
11ہزار سے زائد ملازمین کو بغیر کسی تحفظ یا پیکج کے فارغ کرنا ظالمانہ فیصلہ ہے۔
سبسڈی ختم کر کے حکومت نے غریب آدمی کی زندگی مزید اجیرن بنا دی ہے۔
ہم یوٹیلٹی اسٹورز کی بندش کو مکمل طور پر مسترد کرتے ہیں اور اس فیصلے کے خلاف آواز بلند کرتے رہیں گے۔
مزید پڑھیں :یوٹیلیٹی سٹورز کارپوریشن کے ملازمین ابھی تک تنخواہوں اور سیپیریشن سکیم کے معاوضے سے محروم
