پشاور ( اے بی این نیوز        )بورڈ آف انٹرمیڈیٹ اینڈ سیکنڈری ایجوکیشن (BISE) پشاور نے انٹرمیڈیٹ کے سالانہ امتحانات 2025 کے نتائج کا اعلان کر دیا ہے۔

بورڈ حکام کے مطابق اس سال امتحانات میں کل 62 ہزار 322 طلباء نے شرکت کی جن میں سے 44 ہزار 902 امیدوار کامیاب قرار پائے، اس طرح کامیابی کا تناسب 72 فیصد رہا جو کہ گزشتہ سال کے مقابلے قدرے بہتر ہے۔

بورڈ حکام کا کہنا ہے کہ اس سال طلبہ کی تیاری نسبتاً اچھی رہی جس کی وجہ سے کامیابی کی شرح میں بہتری دیکھی گئی تاہم 17 ہزار 420 طلبہ کامیاب نہ ہو سکے۔

حکام نے ان طلباء کو مشورہ دیا ہے کہ وہ ہمت نہ ہاریں اور آئندہ امتحانات کی بہتر تیاری کریں۔ نتائج بورڈ کی ویب سائٹ پر جاری کر دیے گئے ہیں جبکہ تفصیلی مارک شیٹ تعلیمی اداروں کو فراہم کر دی گئی ہے۔

اس موقع پر پشاور بورڈ کے چیئرمین نے امتحانات کے شفاف انعقاد پر اطمینان کا اظہار کیا اور تمام طلباء، والدین، اساتذہ اور بورڈ کے عملے کا شکریہ ادا کیا۔

بورڈ حکام کے مطابق پوزیشن ہولڈرز کے ناموں کا باضابطہ اعلان ایک تقریب میں کیا جائے گا جس کی تاریخ جلد طے کی جائے گی۔

امتحانی نتائج پر طلبہ میں ملے جلے جذبات ہیں لیکن کامیاب امیدواروں میں خوشی کی لہر دوڑ گئی ہے۔

مزید پڑھیں :مریم نواز نے روٹی اور آٹے کے تھیلے کے نرخ مقرر کر دیئے ،جا نئے کتنے