صنعا (اے بی این نیوز) یمن میں ایک بڑے فضائی حملے نے خطے کو ہلا کر رکھ دیا۔ حوثیوں نے تصدیق کی ہے کہ وزیراعظم احمد الرہوی اسرائیلی فضائی کارروائی کے دورانشہید ہوگئے۔ ان کے ساتھ کابینہ کے کم از کم 18 سے زائد افراد جان کی بازی ہار گئے ۔ جبکہ ان کی جگہ احمد الراہوی کے جانشین کے طور پر، نائب وزیراعظم محمد احمد احمد مفتاح نے صدارت سنبھالی ہے، تاہم یہ عارضی تعیناتی ہے

الجزیرہ کے مطابق احمد الرہوی گزشتہ سال سے حوثیوں کے زیرِ انتظام حکومت کے وزیراعظم تھے۔ وہ اپنے وزراء کے ساتھ ایک ورکشاپ میں موجود تھے جب فضائی حملہ ہوا۔

اسرائیلی فوج کا کہنا ہے کہ یہ کارروائی “حوثی حکومت کے فوجی ہدف” پر کی گئی۔ پچھلے کئی مہینوں میں اسرائیل کی جانب سے یمن پر حملے بڑھ گئے ہیں، جبکہ حوثی بھی اسرائیل اور مغربی ممالک کے جہازوں کو نشانہ بناتے رہے ہیں۔ حوثیوں کے مطابق ان کے حملے فلسطین کے ساتھ یکجہتی کے لیے ہیں اور اسرائیلی کارروائیاں انہیں روک نہیں سکتیں۔

حوثی صدارتی دفتر نے اعلان کیا ہے کہ اس حملے کے باوجود ان کی حکومت اپنا کام جاری رکھے گی۔ تاہم غیر ملکی ذرائع کا کہنا ہے کہ اس حملے میں تقریباً پوری حوثی کابینہ کو نشانہ بنایا گیا۔

یمن میں یہ تازہ واقعہ اس وقت پیش آیا ہے جب خطہ پہلے ہی غزہ اور بحیرہ احمر کی کشیدگی کی لپیٹ میں ہے، جس سے خدشہ ہے کہ صورتحال مزید بگڑ سکتی ہے۔

مزید پڑھیں :پنشن میں اضافہ ،30 ہزار سے زائد ماہانہ وصولی،جا نئے تفصیلات