اسلام آباد( اےبی این نیوز        )ملک بھر میں جان بچانے والی ادویات کی شدید قلت ہے، انسولین سمیت 79 اہم ادویات دستیاب نہیں، پاکستان میڈیکل ایسوسی ایشن نے خبردار کیا ہے کہ یہ بحران لاکھوں مریضوں کی زندگیوں کے لیے خطرہ بن گیا ہے۔

پاکستان میڈیکل ایسوسی ایشن کا کہنا ہے کہ اس وقت کم از کم 80 اہم ادویات مارکیٹ میں دستیاب نہیں ہیں، جن میں سے 25 کے پاس کوئی متبادل ادویات نہیں ہیں، جن میں ذیابیطس، کینسر، الزائمر، پارکنسنز، امراض قلب اور نفسیاتی امراض کے علاج کے لیے استعمال ہونے والی جان بچانے والی ادویات شامل ہیں۔ ادویات کی عدم دستیابی کے باعث مریض شدید پیچیدگیوں کا شکار ہیں اور ان کی صحت تیزی سے خراب ہو رہی ہے۔

بیان میں کہا گیا ہے کہ ادویات کی قلت کی ایک بڑی وجہ بلیک مارکیٹ کا بے قابو کاروبار ہے۔ یہ غیر قانونی بازار پورے ملک میں پھل پھول رہے ہیں اور ضروری ادویات کی قیمتوں میں بار بار اضافے کا سبب بن رہے ہیں۔ حکومت وزارت صحت، پی ایم اے اور فارماسیوٹیکل انڈسٹری کے نمائندوں پر مشتمل ایک طاقتور ٹاسک فورس قائم کرے۔ اس فورس کو درآمدات، لائسنسنگ اور پیداوار کے حوالے سے فوری فیصلے کرنے کا اختیار ہونا چاہیے تاکہ موجودہ قلت پر قابو پایا جا سکے۔

مزید پڑھیں :بھارت میں نظام زندگی مفلوج، نئی دہلی میں سیلاب نے تباہی مچا دی