راولپنڈی( اے بی این نیوز) دھندلا پن کی شکایت پر پی ٹی آئی کے بانی عمران خان کے خلاف طبی معائنے کی درخواست دائر کر دی گئی۔
علیمہ خان نے عمران خان کے طبی معائنے کے لیے انسداد دہشت گردی کی عدالت میں درخواست دائر کر دی۔
درخواست میں کہا گیا کہ عمران خان کو آنکھوں میں شدید دباؤ اور بینائی دھندلا ہونے کی شکایت ہے، پی ٹی آئی کے بانی کے ذاتی معالج نے آخری بار چار نومبر 2024 کو آنکھوں کا معائنہ کیا تھا۔
علیمہ خان کی درخواست میں کہا گیا ہے کہ ہمیں وفاقی اور پنجاب حکومتوں کے ماتحت ڈاکٹرز پر اعتماد نہیں، پی ٹی آئی بانی کے ذاتی معالج کو میڈیکل بورڈ میں شامل کیا جائے۔
درخواست میں کہا گیا ہے کہ پی ٹی آئی بانی کو جیل میں بنیادی حقوق سے محروم رکھا گیا ہے، سپرنٹنڈنٹ اڈیالہ جیل کو فوری طور پر میڈیکل بورڈ بنانے کا حکم دیا جائے۔
اے ٹی سی کے جج امجد علی شاہ نے درخواست پر ابتدائی سماعت کرتے ہوئے سپرنٹنڈنٹ اڈیالہ جیل اور پراسیکیوشن کو نوٹس جاری کرتے ہوئے 29 اگست کو جواب طلب کر لیا۔
مزیدپڑھیں:جنید اکبر چیئرمین پی اے سی کے عہدے سے مستعفی
