لاہور( اے بی این نیوز) فیصل آبادمیں 9مئی کو پاکستان مسلم لیگ نواز کے رہنما رانا ثناء اللہ کے گھر پر حملے میں پاکستان تحریک انصاف (پی ٹی آئی) کے رہنماؤں عمر ایوب، شبلی فراز اور زرتاج گل سمیت انسٹھ نامزد ملزمان کو دس دس سال قید کی سزا سنائی گئی۔

فیصل آباد کی انسداد دہشت گردی کی عدالت نے وزیراعظم کے مشیر رانا ثناء اللہ کے گھر پر حملے کا فیصلہ 9 مئی کو سنایا تھا۔

اے ٹی سی نے قومی اسمبلی اور سینیٹ میں سابق اپوزیشن رہنماؤں عمر ایوب اور شبلی فراز، سابق وفاقی وزیر زرتاج گل، کنول شوزاب، ایم پی اے شیخ شاہد جاوید اور اسماعیل سائلہ کو دس دس سال قید کی سزا سنائی۔

عدالت نے 16 ملزمان کو تین تین سال قید کی سزا سنائی جبکہ 34 ملزمان کو بری کر دیا گیا۔ عدالت نے 109 ملزمان میں سے کل 75 ملزمان کو سزا سنائی، تمام ملزمان کو ان کی عدم موجودگی میں سزائیں سنائی گئیں۔

کیس کا فیصلہ سناتے ہوئے عدالت نے سابق وفاقی وزیر فواد چوہدری اور شاہ محمود قریشی کے بیٹے زین قریشی کو بری کردیا۔

خیال رہے کہ 9 مئی کو فیصل آباد میں جلاؤ گھیراؤ، توڑ پھوڑ کے 4 مقدمات درج کیے گئے تھے جن میں سے 3 کے فیصلے قبل سنائے گئے تھے۔ رانا ثناء اللہ کے گھر پر حملے اور توڑ پھوڑ کا مقدمہ تھانہ سمن آباد میں درج کیا گیا تھا جس میں پی ٹی آئی کی مرکزی قیادت سمیت 109 افراد کو نامزد کیا گیا۔
نئی آٹو پالیسی جولائی 2026سے نافذ کی جائے گی، وزارت تجارتمزید پڑھیں: