برسلز ( اے بی این نیوز )فیلڈ مارشل سید عاصم منیر نے کہا ہے کہ اللہ نے مجھے پاکستان کا محافظ بنایا ہے، مجھے کسی اور عہدے کی خواہش نہیں ہے۔ فیلڈ مارشل سید عاصم منیر نے کہا کہ تبدیلی سے متعلق افواہیں سراسر جھوٹ ہیں، یہ افواہیں پھیلانے والے حکومت اور حکام دونوں کے خلاف ہیں۔دورہ برسلز کے دوران ایک تقریب سے خطاب کرتے ہوئے فیلڈ مارشل سید عاصم منیر نے کہا کہ مجھے اللہ نے پاکستان کا محافظ بنایا ہے، مجھے کسی اور عہدے کی خواہش نہیں ہے۔
آرمی چیف نے سیاسی مصالحت پر گفتگو کے دوران تخلیق آدم سے متعلق قرآنی آیات کا حوالہ دیتے ہوئے کہا کہ تخلیق آدم کے بعد ابلیس کے سوا سب نے آدم کو خدا کا حکم سمجھ کر قبول کیا، معافی مانگنے والے فرشتے رہے اور معافی نہ مانگنے والا شیطان بن گیا۔
آرمی چیف نے خارجہ پالیسی پر اظہار خیال کرتے ہوئے کہا کہ پاکستان کو چین اور امریکا کے ساتھ تعلقات میں توازن برقرار رکھنے کا طویل تجربہ ہے، ایک دوست دوسرے دوست کی قربانی نہیں دیں گے۔
فیلڈ مارشل سید عاصم منیر نے یہ بھی کہا کہ امریکی صدر ڈونلڈ ٹرمپ کی امن کی خواہش حقیقی ہے، اسی لیے انہوں نے انہیں نوبل امن انعام کے لیے نامزد کرنے میں پہل کی۔فیلڈ مارشل عاصم منیر نے بھارت کو خبردار کیا کہ بھارت پراکسیز کے ذریعے پاکستان کا امن تباہ نہ کرے۔ ہر پاکستانی کے خون کا بدلہ لینا ہمارا فرض ہے۔
مزید پڑھیں :مالا کنڈ، مفتی کفایت اللہ کے گھر پر فائرنگ،بیٹی ،بیٹا جاں بحق،اہلیہ سمیت مفتی کفایت اللہ زخمی
