اسلام آباد( اے بی این نیوز )وزیرِ اعظم محمد شہباز شریف کا ملک میں حالیہ بارشوں پر سیلاب کی صورتحال کے جائزے کیلئے ہنگامی اجلاس ہوا۔ چیئرمین این ڈی ایم اے لیفٹیننٹ جنرل انعام حیدر ملک کی وزیرِ اعظم کو ملک کے بالائی حصوں میں کلاؤڈ برسٹ، فلیش فلڈز سے ہونے والے نقصانات اور ریسکیو و ریلیف آپریشن پر بریفنگ دی گئی۔
وزیرِ اعظم کی این ڈی ایم اے کو خیبر پختونخوا کی صوبائی حکومت اور پی ڈی ایم اے کے ساتھ تعاون جاری رکھنے، انہیں ریسکیو و ریلیف آپریشن میں تمام تر تعاون فراہم کرنے اور اسکے لئے تمام وسائل بروئے کار لانے کی ہدایتکی۔
وزیرِ اعظم کی چیئرمین این ڈی ایم اے کو خیبر پختونخوا کی صوبائی حکومت سے ریسکیو و امدادی سرگرمیوں کیلئے رابطے مزید مربوط کرنے کی ہدایتکی۔ خیبر پختونخوا حکومت کو خیمے، ادویات، اشیاء خورنوش اور دیگر امدادی سامان فوری پہنچایا جائے۔
ترجیحی بنیادوں پر امدادی سامان کو ٹرکوں کے ذریعے فوری بھیجا جائے۔ سیلاب سے متاثرہ علاقوں میں پھنسے لوگوں و سیاحوں کو فوری محفوظ مقامات پر پہنچایا جائے۔ وزیرِ اعظم کو اجلاس میں نقصانات کا جائزہ پیش کرنے کے ساتھ ساتھ ریسکیو و ریلیف آپریشن پر پیش رفت سے آگاہ کیا گیا۔
وزیرِ اعظم کی وزیرِ اعلی خیبر پختونخوا علی امین گنڈا پور ، گورنر خیبر پختونخوا فیصل کریم کنڈی سے ٹیلی فون پر گفتگو کی۔ وزیرِ اعظم کا خیبر پختونخوا میں حالیہ کلاؤڈ برسٹ اور فلیش فلڈز کے نتیجے میں قیمتی جانوں کے ذیاں پر اظہار افسوس کیا۔
وزیرِ اعظم نے کہا کہ این ڈی ایم اے کو ہدایت کی ہے کہ و صوبائی حکومت کی رسیکیو و ریلیف آپریشن میں ہر قسم کی معاونت کریں۔ وفاقی حکومت صوبائی حکومت کی ہر قسم کی مدد کرے گی۔ وفاقی حکومت ادویات، خیمے اور اشیاء خورونوش بھیج رہی ہے۔ مشکل کی اس گھڑی میں ہماری تمام تر ہمدردیاں متاثرین کے ساتھ ہیں۔
مزید پڑھیں :وزیر اعلیٰ پنجاب مریم نواز اپنے غیر ملکی دورے کے پہلے مرحلے میں تھائی لینڈ پہنچ گئیں
