اسلام آباد (اے بی این نیوز)ہفتہ وار بنیادوں پر مہنگائی کی شرح میں دوسرے ہفتے بھی اضافہ دیکھنے میں آیا ہے۔ ایک ہفتے کے دوران مہنگائی کی شرح 0 اعشاریہ 31 فیصد بڑھ گئی ۔
ہفتہ وار مہنگائی بڑھنے کی سالانہ شرح 2 اعشاریہ 21 فیصد ریکارڈ کی گئی۔ ادارہ شماریات کی ہفتہ وار بنیادوں پر مہنگائی سے متعلق رپورٹ جاری کر دی گئی۔
ایک ہفتے کے دوران 17 اشیاء مہنگی،9 کی قیمتوں میں کمی ہوئی۔ گزشتہ ہفتے کے دوران ٹماٹر فی کلو 11 روپے 42 پیسے مہنگے ہوئے۔
ایک ہفتے کے دوران چکن فی کلو 19 روپے 67 پیسے مہنگا ہوا۔ گزشتہ ہفتے کے دوران انڈے فی درجن 6 روپے 19 پیسے مہنگے ہوئے۔
ایک ہفتے کے دوران چینی فی کلو 52 پیسے تک مہنگی ہو گئی۔ گزشتہ ہفتے کے دوران گندم کا آٹا 21 روپے 18 پیسے فی تھیلا مہنگا ہوا۔
پیاز،لہسن،چائے کی پتی،جلانے کی لکڑی بھی مہنگی ہونے والی اشیاء میں شامل،مٹن ،خشک دودھ،صابن، بیف بھی مہنگی ہونے والی اشیاء میں شامل۔
گزشتہ ایک ہفتے کے دوران کیلے فی درجن تقریباً 4 روپے سستے ہوئے۔ ایک ہفتے کے دوران آلو کی فی کلو قیمت میں 1 روپے 37 پیسے کی کمی ہوئی۔
گزشتہ ہفتے کے دوران ایل پی جی کا گھریلو سیلنڈر 10 روپے 39 پیسے سستا ہوا،دال مسور،چنے،چاول اور نمک بھی سستی ہونے والی اشیاء میں شامل۔
تازہ دودھ،دہی،سگریٹ،بریڈ سمیت 25 اشیاء کی قیمتیں مستحکم رہیں۔
مزید پڑھیں :سابق کرکٹر پر 5 سال کیلئے پابندی عائد کر دی گئی،جا نئے کون ہے
