لاہور (اے بی این نیوز) وزیراعظم شہباز شریف نے کہا ہے کہ 14 اگست 1947 کو دنیا کے نقشے پر نیا ملک ابھرا۔ قائداعظم نے تاریخ کا رخ موڑ کر دنیا کا نقشہ بدلا ۔
قائداعظم نے نئی قوم اور نیا ملک تخلیق کیا ۔ قائداعظم تین بڑے کارنامے انجام دینے والے رہنما ہیں۔

تحریک پاکستان میں ہر طبقہ زندگی نے قائداعظم کی قیادت میں حصہ لیا۔ تحریک پاکستان میں نوجوان، انجینئرز، ڈاکٹرز اور علما پیش پیش تھے۔ پاکستان کی تحریک میں اقلیتوں کا بھی بھرپور کردار رہا۔
6 اور 10 مئی کو افواجِ پاکستان نے دشمن کو کاری ضرب لگائی۔

پاکستانی فضائیہ 4رافیل سمیت دشمن کے 6طیارے گرائے۔ جنگ میں جوانوں نے دشمن کو ہمیشہ یاد رہنے والا سبق سکھایا۔ ماؤں نے بیٹوں کو وطن کا جھنڈا بلند کرنے اور سرحدوں کی حفاظت کی دعا د۔
دشمن ہمارا پانی بند کرنے کی دھمکی نہ دے، ایک بوند بھی چھین نہیں سکتے۔
پانی روکنے کی کوشش پر دشمن کو دوبارہ تاریخی سبق سکھائیں گے۔ بہترین کارکردگی دکھانے والے طلبہ کو ایک لاکھ جدید لیپ ٹاپ دیے جائیں گے۔ لیپ ٹاپ بغیر سود کے تعلیمی قابلیت کی بنیاد پر فراہم کیے جائیں گے۔
میرٹ پر لیپ ٹاپ کی فراہمی میں سفارش اور اقربا پروری کی کوئی گنجائش نہیں۔ یہی پالیسی پنجاب میں تھی، آج پورے پاکستان میں نافذ ہے۔ لیپ ٹاپ سے نوجوان ملک کی تعمیر و ترقی میں کردار ادا کریں گے۔
بھارت کا غرور 10 مئی کو ٹوٹا، محنت سے دنیا میں مقام حاصل کریں۔

مزید پڑھیں :پنجاب کے عوام کے لیے خوشخبری،مریم نواز کا بڑا اعلان ،جا نئے کیا