اسلام آباد(اے بی این نیوز) عوامی پاکستان پارٹی کے سربراہ اور سابق وزیراعظم شاہد خاقان عباسی نے کہا ہے کہ حکومت مفتاح اسماعیل پر لگائے گئے الزام کے ثبوت فراہم کرے۔ اور اگر حکومت کے پاس ثبوت نہیں ہیں تو اخلاقی طور پر معافی مانگے۔
نجی ٹی وی نیوز کے پروگرام ”سوالات“ میں گفتگو کرتے ہوئے عوامی پاکستان پارٹی کے سربراہ اور سابق وزیراعظم شاہد خاقان عباسی نے کہا کہ اسی حکومت نے چینی برآمد کرنے کی اجازت دی۔ اور چونکہ ملک میں چینی کی سرپلس نہیں تھی اس لیے قیمت بڑھنے لگی۔ اب چینی درآمد کرنے کی بات ہو رہی ہے۔
انہوں نے کہا کہ دوہری شہریت رکھنے والوں کے خلاف منصفانہ ٹرائل ہونا چاہیے۔ 17 سال سے قومی احتساب بیورو (نیب) کے متعدد مقدمات کا سامنا کر رہا ہوں۔ حکومت اس جماعت سے اور بھی زیادہ خوفزدہ ہے جس کا کوئی رکن نہیں ہے۔
شاہد خاقان عباسی نے کہا کہ حکومت مفتاح اسماعیل پر لگائے گئے الزام کے ثبوت فراہم کرے۔ اور اگر حکومت کے پاس ثبوت نہیں ہیں تو اخلاقی طور پر معافی مانگے۔ جتنی ترامیم پاکستان میں کی جاتی ہیں کسی اور ملک میں نہیں ہوتیں۔
انہوں نے کہا کہ ملکی مسائل کا واحد حل قانون کی حکمرانی میں مضمر ہے۔ اور ہر پارٹی کی اپنی سیاست ہے لیکن قانون کی حکمرانی پر سب متفق ہیں۔ پاکستان تحریک انصاف نے پی ٹی آئی کی رہائی پر اپنا نقطہ آغاز مقرر کر دیا ہے۔
سابق وزیراعظم نے کہا کہ اپوزیشن کے پاس ہمیشہ مشترکہ پلیٹ فارم ہوتا ہے۔ اور پی ٹی آئی کو بھی اب اپوزیشن کا کردار ادا کرنا چاہیے۔ سیاست صرف لیڈر کی رہائی پر نہیں ہوتی، انہیں یہ سمجھنے کی ضرورت ہے۔ پی ٹی آئی ون مین پارٹی ہے۔
مزید پڑھیں:عدم اعتماد کی کسی تحریک کا حصہ نہیں بنیں گے،حافظ حمداللہ
