اسلام آباد(اے بی این نیوز)بجلی کی موجودہ قیمت میں مزید 0.77 روپے بشمول ٹیکس فی یونٹ کمی کا امکان۔
کمی چوتھی سہ ماہی اور فیول پرائس ایڈجسٹمنٹ کی مد میں ملے گی۔

سہ ماہی ایڈجسٹمنٹ:
• گذشتہ سال 25-2024کی چوتھی سہ ماہی ایڈجسٹمنٹ کی درخواست، بجلی کی تقسیم کار کمپنیوں نے نیپرا میں جمع کروائی۔
• نیپرا نے اس درخواست پہ 4اگست 2025کو سماعت کی ہے۔

• سماعت کے مطابق اس سہ ماہی ایڈجسٹمنٹ کی واپسی اگست، ستمبر اور اکتوبر کے بلوں میں منفی 1.89روپے فی یونٹ کے حساب سے متوقع ہے۔

• منفی سہ ماہی ایڈجسٹمنٹ آنے کی بنیادی وجہ بجلی کی پیداواری کمپنیوں کے ساتھ ہونے والے ترمیمی معاہدے اور بجلی کی اضافی مانگ ہے جو کہ نرخوں میں کمی اور کیپٹِو پاور پلانٹس کی منتقلی کے باعث ممکن ہوئی۔

• اس طرح اگست کے بلوں میں سہ ماہی ایڈجسٹمنٹ کی مد میں 0.34 روپے فی یونٹ کی مزیدکمی ہو گی۔

فیول پرائس ایڈجسٹمنٹ:
• جون 2025 کی فیول پرائس ایڈجسٹمنٹ کی درخواست بجلی کی تقسیم کار کمپنیوں کی طرف سے سی پی پی اے نے 16جولائی2025 کو نیپرا میں جمع کروائی۔

• نیپرا نے اس درخواست پہ03 جولائی 2025کو سماعت کی۔

• سماعت کے مطابق فیول پرائس ایڈجسٹمنٹ کی مد میں 0.78 روپے فی یونٹ کی کمی متوقع ہے جو کہ اگست کے بلوں میں لاگو ہوگی۔

• جولائی کے بلوں میں صارفین کو منفی0.50روپے فی یونٹ فیول پرائس ایڈجسٹمنٹ واپس ہوئی ہے۔

• اس طرح اگست کے بلوں میں فیول پرائس ایڈجسٹمنٹ کی مد میں 0.28 روپے فی یونٹ کی کمی متوقع ہے۔

مزید پڑھیں۔سربراہ پاک بحریہ کو ترکیے میں اعلیٰ عسکری اعزاز سے نواز دیا گیا