اسلام آباد (اے بی این نیوز )امریکی صدر ڈونلڈ ٹرمپ نے بھارت کی جانب سے روسی تیل کی بڑے پیمانے پر خریداری اور اسے منافع کے لیے عالمی منڈی میں دوبارہ فروخت کرنے پر شدید ردعمل کا اظہار کرتے ہوئے اضافی محصولات عائد کرنے کا اعلان کیا ہے۔
سوشل میڈیا پلیٹ فارم ٹروتھ فار سوشل پر ایک بیان میں ڈونلڈ ٹرمپ نے کہا کہ ہندوستان نہ صرف بڑی مقدار میں روسی تیل خرید رہا ہے بلکہ اس کے ایک بڑے حصے کو عالمی منڈی میں بھاری منافع پر بیچ رہا ہے۔ اسے اس بات کی پرواہ نہیں کہ روسی جنگی مشین یوکرین میں کتنے لوگوں کو مار رہی ہے۔
انہوں نے اس کارروائی کو انسانی ہمدردی کے تقاضوں کے منافی قرار دیا اور اعلان کیا کہ اس صورتحال کے پیش نظر وہ بھارت کی جانب سے امریکا کو ادا کیے جانے والے ٹیرف میں خاطر خواہ اضافہ کریں گے۔
بیان کے آخر میں، انہوں نے طنزیہ انداز میں کہا، ’’اس معاملے کی طرف توجہ دلانے کے لیے آپ کا شکریہ۔‘‘
واضح رہے کہ امریکی صدر ڈونلڈ ٹرمپ کی دھمکیوں کے باوجود بھارت نے اپنی پالیسی تبدیل نہیں کی اور روس سے تیل کی خریداری جاری رکھنے کا فیصلہ کیا ہے۔
یہ بھی پڑھیں: بھارت روس سے تیل خرید کر یوکرین جنگ کی مالی معاونت کر رہا ہے، ٹرمپ کے مشیر کا الزام
امریکی صدر نے گزشتہ ماہ 14 جولائی کو اعلان کیا تھا کہ روس سے تیل خریدنے والے ممالک پر 100 فیصد ٹیرف عائد کیا جائے گا۔ اس وقت امریکہ کی طرف سے بھارت پر عائد ٹیرف 25 فیصد ہے۔
مزید پڑھیں :بے نظیر انکم سپورٹ پروگرام کے ادائیگی کب سے شروع،جا نئے تاریخ بارے
