اسلام آباد ( اے بی این نیوز       )پی ڈی ایم اے پنجاب نے مون سون بارشوں کے چھٹے سپل کا الرٹ جاری کر دیا۔ ترجمان پی ڈی ایم اے کے مطابق 5 اگست سے پنجاب کے بیشتر اضلاع میں شدید مون سون بارشوں کی پیشگوئی ہے۔
بارشوں سے5 اگست سے دریائے چناب اور جہلم میں درمیانے سے اونچے درجے کے سیلاب کا خدشہ۔ پی ڈی ایم اے پنجاب کا صوبہ بھر کے کمشنرز و ڈپٹی کمشنرز کو الرٹ جاری۔ مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد میں بارش کی پیشگوئی ۔
لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ میں بارش کی پیشگوئی ہے۔ خوشاب، سرگودھا، میانوالی، چنیوٹ، فیصل آباد، اوکاڑہ میں بارش کی پیشگوئی ہے۔ ڈیرہ غازی خان، بھکر، بہاولپور، خانیوال، پاکپتن، وہاڑی، لودھراں، مظفرگڑھ ،راجن پور میں بارشوں کی پیشگوئی۔
ریلیف کمشنر پنجاب کی صوبہ بھر کے کمشنرز و ڈپٹی کمشنرز اور متعلقہ انتظامیہ کو الرٹ رہنے کی ہدایت۔ پی ڈی ایم اے پنجاب کی سول ڈیفنس، ریسکیو و متعلقہ اداروں کو پیشگی انتظامات مکمل کرنے کی ہدایت۔
وزیر اعلیٰ پنجاب کی ہدایات کے پیش نظرمتعلقہ محکموں کو الرٹ جاری کر دیا ہے ۔
اگست میں مون سون بارشیں گزشتہ ماہ کی نسبت زیادہ ہونے کی پیشگوئی ہے۔ ایمرجنسی کنٹرول رومز میں سٹاف کو الرٹ رکھا جائے۔ ریسکیو 1122 کی ڈیزاسٹر رسپانس ٹیموں کو بھی ہائی الرٹ رکھا جائے۔
عوام جاری کردہ احتیاطی تدابیر پر عمل کریں۔ شدید بارشوں کے باعث مری و گلیات میں لینڈ سلائیڈنگ کا خطرہ ہے۔ بارشوں کے باعث کچے مکانات مخدوش عمارتوں کو نقصان کا خدشہ ہے۔
مسافر ،سیاح موسمی صورتحال کے پیش نظر محتاط رہیں اور غیر ضروری سفر سے گریز کریں۔
اربن و فلیش فلڈنگ کی صورت میں محفوظ مقامات پر رہیں ،گاڑی ہرگز بہتے ہوئے پانی سے کراس نہ کریں۔ ایمرجنسی کی صورت میں پی ڈی ایم اے کی ہیلپ لائن 1129 پر رابطہ کریں ۔

مزید پڑھیں :بیرسٹرگوہر نے عمر ایوب کے حوالے سے اہم انکشاف کر دیا ،جا نئے کیا