دہلی(   اے بی این نیوز        ) آپریشن سندور کی ناکامی کے بعد بھارت نے ایک بار پھر آپریشن مہادیو کے نام پر جعلی مقابلے شروع کر دئیے

آپریشن سندور کی ناکامی کے بعد بھارت نے ایک بار پھر آپریشن مہادیو کے نام پر جعلی مقابلے شروع کر دیے۔

سیکیورٹی ذرائع کے مطابق بھارت نے ایک نیا مذموم فوجی منصوبہ آپریشن مہادیو شروع کر دیا ہے۔ غیر قانونی طور پر نظر بند پاکستانیوں کو جعلی مقابلوں میں استعمال کرنے کا بھارتی منصوبہ بنایا گیا ہے۔

سیکیورٹی ذرائع کا کہنا ہے کہ بھارت ’آپریشن مہادیو‘ کی آڑ میں مقبوضہ کشمیر میں بڑھتی ہوئی تحریک آزادی کو کچلنا چاہتا ہے، بھارت آپریشن مہادیو کی آڑ میں ملک میں اپنی سیاسی ساکھ بحال کرنا چاہتا ہے۔

پہلگام فالس فلیگ آپریشن کے فوراً بعد بھارتی فوج نے فرضی مقابلوں کا سلسلہ شروع کر دیا تھا۔

سیکیورٹی ذرائع کا کہنا ہے کہ 24 اپریل کو دو کشمیریوں کو غلطی سے سرحد پار کرنے پر جعلی مقابلے میں شہید کیا گیا تھا، بھارتی منصوبہ بندی کے تحت بھارتی جیلوں میں قید کشمیریوں کو قتل کرنے کے بعد انہیں سرحد پار سے دہشت گرد قرار دیا جائے گا۔

سیکیورٹی ذرائع کا کہنا ہے کہ ڈی جی آئی ایس پی آر نے بھارتی جیلوں میں 723 پاکستانیوں کی غیر قانونی قید کی تفصیلات بتا دیں، 56 پاکستانی بھارتی خفیہ ایجنسیوں کی غیر قانونی اور جبری حراست میں ہیں، ان 56 افراد کی تفصیلات بھی ڈی جی آئی ایس پی آر نے 29 اور 30 اپریل کو دی تھیں۔

سیکیورٹی ذرائع کا مزید کہنا تھا کہ ان افراد کی لاشوں اور نصب کیے گئے ہتھیاروں کی تصاویر اور ویڈیوز پہلے ہی بھارتی میڈیا کے ساتھ شیئر کی جا رہی ہیں، غیر قانونی حراست میں رکھے گئے افراد کو دہشت گرد بنا کر پاکستان مخالف بیانات بھی دیے جا سکتے ہیں۔

سیکیورٹی ذرائع نے یہ بھی بتایا کہ بھارتی فوج مقبوضہ کشمیر میں جعلی مقابلے کے ماہر کے طور پر بدنام ہے۔ آپریشن مہادیو بھارتی فوج کے جعلی مقابلوں کا تسلسل ہے۔ پہلگام فالس فلیگ میں شکست اور آپریشن سندھور کی ناکامی کے بعد بھارت پوری طرح سے خوفزدہ ہے۔

مزید پڑھیں :پنجاب، کے پی، گلگت بلتستان اور آزاد جموں و کشمیر میں موسم کیسا رہے گا،الرٹ جاری