اسلام آباد (اے بی این نیوز ) پاکستان کرکٹ بورڈ نے ویسٹ انڈیز کے خلاف تین ٹی ٹوئنٹی انٹرنیشنل اور تین ون ڈے انٹرنیشنل میچز پر مشتمل سیریز کے لیے قومی سکواڈ کا اعلان کر دیا۔

محمد رضوان ون ڈے انٹرنیشنل ٹیم کے کپتان برقرار رہیں گے جبکہ شاہین شاہ آفریدی اور بابر اعظم بھی ون ڈے سکواڈ میں شامل کیے گئے ہیں۔

ٹی ٹوئنٹی سکواڈ میں سلمان علی آغا، حارث رؤف، حسن علی، شاہین شاہ آفریدی، فہیم اشرف، فخر زمان، خوشدل شاہ، حسین طلعت اور محمد نواز کی شمولیت کی گئی ہے۔
ٹی ٹوئنٹی سکواڈ میں نوجوان کھلاڑی حسن نواز، صائم ایوب، ابرار احمد، صاحبزادہ فرحان، محمد حارث اور سفیان مقیم بھی شامل ہیں، جو ٹیم کے 15 رکنی سکواڈ کا حصہ ہوں گے۔

ٹیم 27 جولائی کو امریکہ روانہ ہوگی جہاں 31 جولائی، 2 اگست اور 3 اگست کو لاڈرہل، امریکہ میں تین ٹی ٹوئنٹی انٹرنیشنل میچز کھیلے جائیں گے۔ ون ڈے انٹرنیشنل میچز 8، 10 اور 12 اگست کو شیڈول کیے گئے ہیں۔

مزید پڑھیں :ماڈل کریمنل ٹرائل کورٹس کے قیام پر کام کررہے ہیں، چیف جسٹس