اسلام آباد (  اے بی این نیوز        ) پاک سوزوکی نے حال ہی میں اپنی مشہور موٹر سائیکلوں GS150 اور GD110S کے نئے ماڈلز متعارف کروائے ہیں۔ لیکن اگر آپ سمجھ رہے ہیں کہ ان ماڈلز میں کوئی بڑی مکینیکل تبدیلی یا کوئی جدید اپگریڈ کیا گیا ہے، تو ذرا ٹھہر جائیں — کیونکہ ایسا کچھ نہیں ہوا۔

درحقیقت، سوزوکی نے ایٹلس ہونڈا سے “تحریک” لیتے ہوئے صرف اسٹیکرز کی ڈیزائننگ میں تبدیلی کی ہے اور اسی کو “نیا ماڈل” قرار دے دیا ہے۔

GS150: اب نیلا نہیں، لال اسٹیکر!GS150 میں پہلے نیلا اور سفید تھیم نمایاں تھا، اور فیول ٹینک پر صرف “S” کا لوگو ہوتا تھا۔ لیکن اب کمپنی نے نیلے رنگ کو لال سے بدل دیا ہے، جو کہ “رفتار، کھیلپن اور جارحیت” کی علامت کے طور پر پیش کیا گیا ہے۔ مزید یہ کہ، “S” لوگو کی جگہ اب پورا “SUZUKI” لفظ شامل کیا گیا ہے، تاکہ لوگ کبھی نہ بھولیں یہ کس کمپنی کی بائیک ہے۔

مزید برآں، “GD” کا جو لوگو فیول ٹینک کے نیچے ہوتا ہے، اس میں “D” پہلے اسٹیکر کی لائن کے پیچھے چھپ سا جاتا تھا۔ اب سوزوکی کی ڈیزائن ٹیم نے “D” کو تھوڑا اوپر کر دیا ہے تاکہ وہ پوری طرح سے دکھائی دے۔

مزید پڑھیں :بلوچستان میں پھر بس کا المناک حادثہ،جانئے کتنا جانی نقصان ہوا