اسلام آباد(اے بی این نیوز)وفاقی دارالحکومت میں جاری وقفے وقفے کی بارش نے پارلیمنٹ ہاؤس کی چھتوں کی قلعی کھول دی۔ پارلیمنٹ ہاؤس کی متعدد چھتیں ٹپکنے لگیں، جن سے ٹپکنے والا پانی فرش پر جمع ہونے لگا۔ انتظامیہ کی جانب سے پانی روکنے کیلئے عارضی طور پر ٹپکتے مقامات پر بالٹیاں رکھ دی گئیں۔
ذرائع کے مطابق گزشتہ ہفتے ہی سی ڈی اے نے چھتوں کو تارکول سے کور کیا تھا تاکہ ٹپکنے کی شکایات کا مستقل حل نکالا جا سکے، تاہم شدید بارش کے سامنے سی ڈی اے کا یہ بندوبست بھی ناکام ثابت ہوا۔
پارلیمنٹ ہاؤس کے اندرونی فلورز میں بھی کئی مقامات پر چھت سے پانی ٹپکتا دکھائی دیا۔انتظامیہ کا کہنا ہے کہ بارش تھمنے کے بعد چھتوں کی مکمل مرمت اور تمام شکایات کا ازالہ کیا جائے گا۔
تاہم سوشل میڈیا پر پارلیمنٹ کی عمارت میں بالٹیوں کے مناظر وائرل ہونے کے بعد شہریوں نے شہریوں نے حکمرانوں کو شدید تنقید کا نشانہ بنایااور سوال اٹھایا ہے کہ ملک کے سب سے اہم قانون ساز ادارے کی عمارت اگر بارش برداشت نہیں کرسکتی تو عام سرکاری دفاتر کی حالت کا کیا عالم ہوگا؟
موسلادھار بارشیں ، بابوسر روڈ پر بادل پھٹنے سے تباہی ، ڈاکٹر کی فیملی سمیت7 افراد جاں بحق ،15 سے زائد سیاح لاپتہ
