پشاور ( اے بی این نیوز )وزیراعلیٰ علی امین گنڈاپور کا مخصوص نشستوں کی حلف برداری کیخلاف پٹیشن دائر کرنے کا فیصلہ۔ علی امین گنڈاپور نے کہا کہ مخصوص نشستوں پر گورنر ہاؤس میں حلف آئین کی خلاف ورزی ہے۔
آئین کا آرٹیکل 65 واضح ہے، حلف صرف اسمبلی فلور پر ہو سکتا ہے۔ سپیکر نے حلف لینے سے انکار نہیں کیا، کورم مکمل نہ ہونے پر اجلاس ملتوی ہوا۔ 24 جولائی کو اجلاس طلب ہے، گورنر ہاؤس میں حلف لینا غیر آئینی عمل ہے۔
آرٹیکل255(2)صرف ناقابلِ عمل،ناممکن صورتحال پر لاگو ہوتا ہے۔ وزیراعلیٰ،سپیکر صوبائی اسمبلی انکار کرے تو چیف جسٹس کسی کو نامزد کرسکتا ہے۔ وزیراعلیٰ اور سپیکر نے اپنی آئینی ذمہ داری پوری کی ہے، آج اجلاس طلب تھا۔
گورنر ہاؤس میں مخصوص نشستوں پر حلف کا عمل چیلنج کررہے ہیں، رٹ پٹیشن مکمل کر لی،آج چھٹی کے باعث ہائیکورٹ نے وصول نہیں کی۔ کل ہائیکورٹ میں درخواست دائر کریں گے۔

مزید پڑھیں :غیرت کے نام پر مارنا جائز یا نا جائز،فتویٰ آگیا،پاکستان علما کونسل کابلوچستان واقعہ میں ملوث ملزمان کی گرفتاری کا مطالبہ