اسلام آباد( نیوز ڈیسک) انٹر سروسز پبلک ریلیشنز (آئی ایس پی آر) کی جانب سے ریلیز ڈاکیومنٹری میں معرکہ حق کے تمام واقعات کو ترتیب کے ساتھ بیان کیا گیا ہے، ڈاکیومینٹری میں بھارتی شہریوں نے پہلگام واقعے پر سوالات اٹھائے، پاکستان کی طرف سے تحقیقات کی پیشکش، بھارتی طیاروں کا ملبہ اور بھارت کی جانب سے معصوم لوگوں کو نشانہ بنانے اور مساجد کو نقصان پہنچانے کے شواہد شامل کیے گئے ہیں۔
آئی ایس پی آر کی جانب سے جاری کردہ دستاویزی فلم میں معرکہ حق کے دوران تباہ ہوئے بھارتی طیاروں کا ملبہ دکھایا گیا، ڈاکیومنٹری میں بھارتی شہری پہلگام واقعے کو فالس فلیگ آپریشن کہہ رہے ہیں اور ’آپریشن سندور‘ کی ناکامی پر سخت سوالات اٹھا رہے ہیں، بھارتی شہری پہلگام واقعے کے ذمہ داران کو ہٹانے کا بھی مطالبہ کر رہے ہیں۔
دستاویزی فلم میں یہ سوال بھی اٹھایا گیا کہ بھارت اب تک دنیا کو کوئی ثبوت کیوں پیش نہیں کر سکا، میں ڈی جی آئی ایس پی آر کی طرف سے پہلگام فالس فلیگ آپریشن سے متعلق متعدد حقائق بھی شامل ہیں۔ ڈاکیومنٹری میں بین الاقوامی میڈیا کے بھارتی طیاروں کے گرائے گئے طیاروں کا ملبہ بھی دکھایا گیا ہے۔
جاری ڈاکیومنٹری میں بھارت کی جانب سے معصوم لوگوں کو نشانہ بنانے اور مساجد کو نقصان پہنچانے کے شواہد شامل کیے گئے ہیں، دستاویزی فمل میں جو بھی شواہد پیش کئے گئے ہیں وہ سچ پر مبنی اور کوئی بھی ایسی چیز شامل نہیں جس کا کوئی ثبوت ساتھ نہ دکھایا گیا ہو۔
ڈاکیومنٹری میں یہ بھی بتایا گیا ہے کہ بھارت کے پاس شواہد تب ہوتے جب وہ دہشتگردوں کو پکڑ لیتے۔ ڈاکومنٹری میں یہ سوال بھی اٹھایا گیا کہ بھارت اب تک دنیا کو کوئی ثبوت کیوں نہیں دے سکا ۔۔
ڈاکیومنٹری میں وزیراعظم شہباز شریف کی طرف سے پہلگام فالس فلیگ آپریشن کی غیر جانبدارانہ تحقیقات کی پیشکش بھی اجاگر کی گئی۔
مزید پڑھیں:اسلام آباد سے جدہ کی پرواز تاخیر کا شکار، مسافروں کا احتجاج، کاؤنٹر کا گھیراؤ
