پاکپتن (اے بی این نیوز) بشریٰ بی بی کے بیٹے موسیٰ مانیکا کو اقدام قتل کے مقدمے میں گرفتار کر کے عدالت میں پیش کر دیا گیا، جہاں سپیشل مجسٹریٹ نے انہیں جیل بھیجنے کا حکم دے دیا۔ واقعہ پاکپتن میں پیش آیا، جہاں موسیٰ مانیکا پر اپنے ذاتی ملازم کو گولی مارنے کا سنگین الزام ہے۔
ذرائع کے مطابق، پولیس نے مقدمہ درج کرتے ہوئے ملزم کو فوری طور پر حراست میں لے لیا تھا اور تحقیقات کا آغاز کر دیا گیا تھا۔ ابتدائی شواہد اور متاثرہ فریق کی شکایت کی روشنی میں مقدمہ اقدام قتل کے تحت درج کیا گیا ہے۔ پولیس نے عدالت کو بتایا کہ واقعے کی مکمل تفتیش جاری ہے اور مزید شواہد اکھٹے کیے جا رہے ہیں۔
موسیٰ مانیکا کی عدالت میں پیشی کے دوران سیکیورٹی کے سخت انتظامات کیے گئے تھے۔ سپیشل مجسٹریٹ نے ابتدائی سماعت کے بعد ملزم کو جیل بھیجنے کے احکامات جاری کیے تاکہ مزید قانونی کارروائی مکمل کی جا سکے۔
قانون نافذ کرنے والے ادارے اس بات کو یقینی بنانے کی کوشش کر رہے ہیں کہ ملزم کے خلاف کارروائی مکمل طور پر قانون کے مطابق اور غیرجانبدارانہ ہو، تاکہ عوام کا اعتماد بحال رہے اور قانون کی بالادستی قائم ہو۔
مزید پڑھیں :سیلابی پانی میں بہہ جانے والے چار افراد میں سے تین کی نعشیں مل گئیں
