راولپنڈی ( اے بی این نیوز )انڈونیشیا کے وزیر دفاع لیفٹیننٹ جنرل سجافری سجام الدین (ریٹائرڈ) نے آج جنرل ہیڈ کوارٹرز میں چیف آف آرمی سٹاف فیلڈ مارشل سید عاصم منیر، این آئی (ایم) سے ملاقات کی۔ملاقات کے دوران فریقین نے دوطرفہ دفاعی تعاون، علاقائی سلامتی کی حرکیات اور فوجی تعلقات کو مزید مضبوط بنانے کے طریقوں پر تبادلہ خیال کیا۔ آئی ایس پی آر کے مطابق
ملاقات میں دونوں ممالک کے درمیان دیرینہ دوستی اور تعاون پر زور دیا گیا۔ فیلڈ مارشل نے خطے میں امن و استحکام کو برقرار رکھنے کے لیے باہمی تعاون کی اہمیت کو اجاگر کیا۔انڈونیشیا کے وزیر دفاع نے دہشت گردی کے خلاف جنگ میں پاک فوج کے کردار کو سراہا اور پاکستان کے ساتھ دفاعی تعلقات کو بڑھانے کے لیے انڈونیشیا کے عزم کا اعادہ کیا۔
مزید پڑھیں :پاکستانی سیاست میں نئے باب کا اضافہ، ریحام خان کا سیاسی جماعت بنانے کا اعلان
