لاہور (  اے بی این نیوز   )پنجاب بلڈنگ کنٹرول اتھارٹی نے لاہور میں 84 خستہ حال عمارتوں کی نشاندہی کی ہے۔ داتا گنج بخش زون میں 42، سمن آباد میں 13 اور راوی زون میں 13 کو خطرناک قرار دیا گیا ہے۔پنجاب بلڈنگ کنٹرول اتھارٹی (پی بی سی اے) نے لاہور میں 84 خستہ حال عمارتوں کی نشاندہی کی ہے، داتا گنج بخش زون میں 42، سمن آباد میں 13 اور راوی زون میں 13 عمارتوں کو خطرناک قرار دیا گیا ہے۔

تفصیلات کے مطابق مون سون کے موسم میں انسانی جانوں کے تحفظ کے پیش نظر پنجاب بلڈنگ کنٹرول اتھارٹی نے لاہور شہر میں خستہ حال عمارتوں کا سروے مکمل کر لیا، اندرون لاہور سمیت 9 ٹاؤنز میں 84 خستہ حال عمارتوں کی نشاندہی کی گئی ہے۔ڈپٹی ڈائریکٹر بلڈنگ کنٹرول محمد وقاص کے مطابق داتا گنج بخش زون میں 42، سمن آباد میں 13، شالیمار زون میں 3، راوی زون میں 13، واہگہ زون میں 10 اور عزیز بھٹی زون میں 3 عمارتوں کو خطرناک قرار دیا گیا ہے۔

محمد وقاص کا کہنا ہے کہ والڈ سٹی میں گزشتہ سال 600 خستہ حال عمارتوں کی نشاندہی کی گئی جن میں سے 400 عمارتوں کی مرمت مکینوں کے تعاون سے کی گئی جبکہ 130 عمارتوں کی مرمت والڈ سٹی نے اپنے وسائل سے کی۔ڈپٹی ڈائریکٹر پنجاب بلڈنگ کنٹرول اتھارٹی کے مطابق حالیہ سروے میں بھی والڈ سٹی میں 12 سے زائد عمارتوں کو انتہائی خستہ قرار دیا گیا ہے جنہیں خالی کر دیا گیا ہے۔
مزید پڑھیں :ٹرمپ نے 14ممالک سے نئی تجارتی جنگ چھیڑ دی،25سے 40فیصد تک ٹیرف کا اعلان،جاپان کا اظہار افسوس