ماسکو (اے بی این نیوز) روس کے مشرقی علاقے ٹرانس بائیکل ریجن میں ایک افسوسناک طیارہ حادثے نے فضا میں خوف و ہراس پھیلا دیا۔ مقامی ذرائع کے مطابق یہ واقعہ چیٹا ضلع میں اُس وقت پیش آیا جب ایک مسافر طیارہ ٹیک آف کے صرف 16 منٹ بعد حادثے کا شکار ہو گیا۔ طیارہ گر کر تباہ ہو گیا، اور اس حادثے میں دس افراد زخمی ہو گئے۔
ریسکیو اداروں کے مطابق زخمیوں میں سے دو کی حالت تشویشناک بتائی جا رہی ہے جبکہ باقی آٹھ افراد کو معمولی چوٹیں آئی ہیں۔ تمام متاثرین کو فوری طور پر قریبی ہسپتال منتقل کر دیا گیا جہاں انہیں طبی امداد فراہم کی جا رہی ہے۔
حادثے کے بعد جائے وقوعہ پر ریسکیو ٹیموں نے فوری کارروائی شروع کر دی، جبکہ ماہرین نے ابتدائی تحقیقات کا آغاز بھی کر دیا ہے تاکہ حادثے کی اصل وجہ معلوم کی جا سکے۔ ابتدائی اطلاعات کے مطابق فنی خرابی یا موسم کی خرابی کو نظر انداز نہیں کیا جا سکتا، تاہم مکمل حقائق تحقیقاتی رپورٹ کے بعد ہی سامنے آئیں گے۔
مزید پڑ ھیں :خطرے کی گھنٹی! چین نے دے دی ایٹمی جنگ کی کھلی وارننگ
