پشاور (اے بی این نیوز) پشاور کے علاقے ارمڑ میں خاندانی دشمنی خونی تصادم میں بدل گئی۔ فریقین کی فائرنگ میں 6 افراد جاں بحق جبکہ ایک خاتون زخمی ہو گئی۔
پولیس کے مطابق جاں بحق افراد میں 3 خواتین بھی شامل ہیں۔ جاں بحق ہونے والوں کی شناخت فضل امین، حضرت امین اور احمد کے ناموں سے ہوئی ہے۔
واقعے کی اطلاع ملتے ہی پولیس اور امدادی ٹیمیں جائے وقوعہ پر پہنچ گئیں اور لاشوں کے ساتھ زخمی خاتون کو فوری طور پر لیڈی ریڈنگ اسپتال منتقل کر دیا گیا۔
پولیس کا کہنا ہے کہ واقعہ خاندانی دشمنی کا شاخسانہ معلوم ہوتا ہے تاہم مزید تفتیش جاری ہے۔ علاقے میں خوف و ہراس کی فضا قائم ہے جبکہ سیکیورٹی اہلکاروں نے شواہد اکٹھے کر کے کارروائی کا آغاز کر دیا ، ملزمان کی گرفتاری کیلئے ٹیمیںتشکیل دیدیں
سابق امریکی صدر جوبائیڈن انتہائی علیل، پروسٹیٹ کینسر کی تشخیص
