واشنگٹن ( اے بی این نیوز )نیویارک ٹائمز کے مطابق پاک بھارت جنگ کے دوران بھارتی میڈیا نے جھوٹا پروپیگنڈہ پھیلایا۔ پاکستان کیخلاف گودی میڈیا کی جھوٹی میڈیا کیمپئن پر بین الاقوامی ہزیمت کا سلسلہ جاری ، ذرائع کے مطابق نیو یارک ٹائمز نے
بھارتی میڈیا نے جھوٹی خبروں کے ذریعے بھارتی فوج کی زبر دست کامیابیوں کا تذکرہ کیا۔ بھارتی میڈیا کے مطابق بھارت نے حملوں میں پاکستانی ایٹمی تنصیبات کو نشانہ بنایا۔ بھارتی میڈیا کے مطابق بھارتی فوج نے 2 پاکستانی لڑاکا طیارے مار گرائے۔
کراچی کی بندرگاہ کے ایک حصے کو دھماکے سے اڑا دیا۔ بھارتی میڈیا کی معلومات کا کوئی بھی حصہ درست نہیں تھا۔ بھارتی میڈیا نے گمراہ کن ویڈیو فوٹیج اور مصنوعی ذہانت سے ہیرا پھیری کر کے جھوٹ پھیلایا۔
جھوٹ کو پھیلانے میں بھارتی میڈیا کےمین سٹریم چینلز بھی شامل ہیں۔ بھارتی میڈیا کو خبروں کو بریک کرنے کی دوڑ کا بخار چڑھ گیا۔ بھارتی اینکرز اور مبصرین نے دوجوہری ریاستوں کے درمیان جنگ کیلئے چیئر لیڈرز کا کردار کیا۔
کچھ مشہور بھارتی ٹی وی چینلز نےقوم پرستی کےجوش کی آڑ میں من گھڑت کہانیاں نشر کیں۔ بھارتی خبر رساں اداروں نے تو پاکستانی جوہری تنصیبات سے تابکاری کے اخراج کی خبر نشر کر دی۔
بھارتی میڈیا نے بغیر ثبوتوں کے حملے کی جگہ کی نشاندہی کیلئے تفصیلی نقشے بھی دکھائے۔
کراچی پر بھارتی بحریہ کے حملے کی کہانی بھی بڑے پیمانے پر پھیلائی گئی۔ فیکٹ چیکنگ ویب سائٹ نے انکشاف کیا کہ آج تک اور نیوز 18 جیسے بڑے چینلز نے جھوٹی خبریں پھیلائیں۔ دفاعی ماہرین کے مطابق
بھارتی میڈیا کا یہ رویہ علاقائی سلامتی کے لیے سنگین خطرہ ہے۔ جعلی خبروں کے اس سیلاب سے بھارت کی بین الاقوامی ساکھ کو ناقابل تلافی نقصان پہنچا ہے۔ غلط معلومات کے پھیلاؤ سے خطے میں کشیدگی بڑھ سکتی ہے اور نیوکلیئر سکیلیشن کا خطرہ پیدا ہو سکتا ہے۔
بھارت میں مودی سرکار کے آنے کے بعد سے آزاد صحافت زوال پذیر ،میڈیا پر دباؤ بڑھ چکا ہے۔ غیر ملکی صحافتی اداروں پر بھی بھارتی حکومت کا دباؤ خطرناک حد تک بڑھ چکا ،عالمی تنقید میں اضافہ ہو گیا ہے۔
مزید پڑھیں :ایئر ڈیفنس تباہ کرنیکی بھارتی کوشش ناکام رہی،پاکستان نے منہ توڑ جواب دیا
