پاکستان نے باضابطہ طور پر اقوام متحدہ کی سلامتی کونسل کا اجلاس بلانے کا فیصلہ کر لیا ہے۔ حکومتی ذرائع کے مطابق نائب وزیراعظم و وزیر خارجہ اسحاق ڈار نے اقوام متحدہ میں پاکستان کے مستقل نمائندے کو فوری اقدامات کی ہدایت جاری کی ہے۔
اجلاس میں پاکستان کی جانب سے سلامتی کونسل کو خطے کی موجودہ صورتحال پر بریفنگ دی جائے گی۔ اس دوران بھارت کے اشتعال انگیز اور جارحانہ اقدامات، سندھ طاس معاہدے کو معطل کرنے کی بھارتی کوششوں اور جنوبی ایشیا کے امن کو لاحق خطرات پر روشنی ڈالی جائے گی۔
ذرائع کے مطابق یہ اجلاس پاکستان کی جانب سے عالمی برادری کے سامنے حقائق اجاگر کرنے اور مسئلے کے پرامن حل کے لیے سفارتی کوششوں کا اہم حصہ ہے۔
