اسلام آباد ( اے بی این نیوز )سندھ طاس معاہدے کی معطلی، پاکستان کا بھارت کوبا ضا بطہ سفارتی نوٹس دینے کا فیصلہ ۔ انڈس واٹر کمیشن کے ذرائع کے مطابق سندھ طاس معاہدے کی معطلی پر قانونی و آئینی مشاورت کے بعد وزارت خارجہ۔ وزارت آبی وسائل اور وزارت قانون نے ابتدائی ہوم ورک کر لیا۔ نوٹس میں معاہدے کی معطلی کی ٹھوس وجوہات طلب کی جائیں گی۔
سندھ طاس معاہدے کی معطلی کے خلاف عالمی فورمز پر بھرپور احتجاج ریکارڈ کرانےپرغور ۔ بھارت کی آبی جارحیت کو مؤثر انداز میں دنیا کے سامنے لایا جائے گا۔ اس اقدام کا مقصد پاکستان کے مؤقف کو قانونی اور اخلاقی جواز دینا ہے۔پاکستان سندھ طاس معاہدے پر قانونی سبقت رکھتا ہے۔ امید ہے کہ بھارت کو جلد اپنے فیصلے پر نظرثانی کرنا پڑے گی۔ تمام اقدامات حکومت و کابینہ کی منظوری کے بعد کئے جائیں گے۔
مزید پڑھیں :پاک بھارت کشیدگی کے پیش نظر سلامتی کونسل کا ہنگامی اجلاس بلانے کا عندیہ
