اسلام آباد (نیوز ڈیسک) پاکستان کرپشن میں مزید ترقی کرگیا، بھارت کا 40واں اور پاکستان کا 140 ویں نمبر ہے۔ تفصیلات کے مطابق کرپشن پرسیپشن انڈیکس میں ایک درجے مزید تنزلی کے بعد کرپشن والے 180ممالک میں پاکستان کا نمبر 140واں نمبر ہے۔ٹرانسپیرنسی انٹرنیشنل کی نئی رپورٹ میں بتایا گیا ہے کہ سی پی آئی انڈیکس میں پاکستان 28 سے 27 پوائنٹس پر آگیا ہے۔حالیہ عرصے میں پاکستان میں سب سے زیادہ شفافیت 2018 میں ریکارڈ کی گئی جب پاکستان کا اسکور 33 تھا۔ اس کے بعد کے برسوں سے پاکستان کے اسکور میں مسلسل کمی آئی ہے۔ ٹرانسپیرنسی انڈیکس میں رینک سے معلوم ہوتا ہے کہ دنیا کے دیگر ممالک کے مقابلے میں پاکستان میں کرپشن کی صورت حال کیا ہے۔ اس وقت پہلے نمبر پر ڈنمارک ہے یعنی وہاں سب سے کم کرپشن ہے۔ بھارت کا نمبر 40واں ہےجبکہ پاکستان 140 ویں نمبر پر ہے، یعنی بھارت سے کہیں زیادہ کرپشن پاکستان میں ہے۔