اسلام آباد ( اے بی این نیوز )لائن آف کنٹرول پر بھارت کی بلا اشتعال فائرنگ، پاک فوج کا منہ توڑ جواب، دشمن کی چیک پوسٹیں تباہ۔بھارت نے 29 اور 30 اپریل کی درمیانی شب جنگ بندی کی خلاف ورزی کی جس کا سیاچن سے بحیرہ عرب تک وطن کے دفاع کے لیے تیار اور تیار پاکستانی فوج نے منہ توڑ جواب دیا۔سیکیورٹی ذرائع کے مطابق بھارت نے لائن آف کنٹرول کے کیانی اور منڈل سیکٹرز میں بلا اشتعال فائرنگ کی۔
ذرائع کا کہنا ہے کہ بھارت کی جانب سے بلا اشتعال فائرنگ میں چھوٹے ہتھیاروں کا استعمال کیا گیا۔ ذرائع کا مزید کہنا ہے کہ پاک فوج نے بھرپور جوابی کارروائی کرتے ہوئے بھارتی فوج کو منہ توڑ جواب دیا اور اس موثر جواب سے دشمن کو خاموش کرا دیا۔
سیکیورٹی ذرائع کا کہنا ہے کہ پاک فوج کی موثر جوابی کارروائی سے دشمن کے متعدد مورچے تباہ ہو گئے۔انہوں نے کہا کہ مقبوضہ کشمیر میں لائن آف کنٹرول پر ایک بھارتی چوکی کو بھی تباہ کیا گیا۔
واضح رہے کہ بھارت نے مقبوضہ کشمیر کے سرحدی علاقے بھی خالی کرائے ہیں اور مسلمانوں پر ظلم ڈھا رہا ہے۔ذرائع کا کہنا ہے کہ بھارت کی جانب سے یہ اشتعال انگیزی اس کے جنگی جنون کا مظہر ہے۔
سیکیورٹی ذرائع کا کہنا ہے کہ پاک فوج ملکی سالمیت کے دفاع کے لیے ہمہ وقت تیار ہے۔
مزید پڑھیں :سرحدوں پرٹینشن ہےڈرنانہیں بہادری سے مقابلہ کریں گے،وزیراعلیٰ پنجاب مریم نواز
