جنوبی وزیرستان (اے این نیوز)جنوبی وزیرستان کے وانا بازار میں زور دار دھماکے میں 6 افراد جاں بحق اور 13 زخمی ہوگئے۔ پولیس کے مطابق دھماکے میں امن کمیٹی کے سابق رکن سیف الرحمان کو نشانہ بنایا گیا۔
پولیس کے مطابق جنوبی وزیرستان لوئر کے وانا بازار میں زور دار دھماکا ہوا، جس کی آواز دور دور تک سنی گئی، دھماکے کے بعد پولیس کی نفری اور ریسکیو ٹیمیں جائے وقوعہ پہنچ گئی، واقعے میں 6 افراد جاں بحق اور 13 زخمی ہوگئے۔
پولیس کا کہنا ہے کہ دھماکے میں امن کمیٹی کے سابق رکنی سیف الرحمان کو نشانہ بنایا گیا ہے، جاں بحق کی لاشیں اور زخمی افراد کو ڈی ایچ کیو اسپتال منتقل کردیا گیا۔پولیس کے مطابق دھماکے کے بعد سیکیورٹی فورسز نے علاقے کو گھیرے میں لے لیا، مرنے والوں اور زخمیوں کی تاحال شناخت نہیں ہوسکی۔
مزید پڑھیں: بھارت میں مقیم سیما حیدر کب وطن واپس آئیں گی؟غلام حیدر بچوں کی واپسی کا منتظر
