راولپنڈی ( اے بی این نیوز   )ایڈووکیٹ فیصل فرید چوہدری نے عمران خان سے ملاقات کے بعدمیڈیا ٹاک کرتے ہو ئے کہا کہ 6وکلاء کے ناموں کی لسٹ دی گئی تھی،نعیم حیدر پنجھوتہ اور عثمان گل یہاں پہنچے تھے انکی ملاقات ہوئی ہے ۔
میں نے کہا میں باہر جاتا ہوں آپ نعیم پنجھوتہ کو ملاقات کے لئے بلا لیں ۔ عمران خان کی صحت اچھی ہے،انھیں آگاہ کیا گیا کہ بہنوں کو ملاقات کی اجازت نہیں دی گئی ۔ عمران خان کو آگاہ کیا گیا کہ پارٹی رہنماؤں اور وکلاء کو بھی روکا گیا ہے ۔
لسٹ کے مطابق صرف2 بندے جیل تک پہنچ سکے باقیوں کو روک لیا گیا عمران خان نے کہا کہ 26ویں ترمیم کے بعد جو ہو رہا ہے اس پرلیگل کمیٹی، پارٹی قیادت چیف جسٹس کو خط لکھے گی عدالت میں ہمارے کیسسز نہیں لگ رہے ،بشری بی بی کے ساتھ زیادتی ہو رہی ہے۔

قانونی امور پر عثمان گل اور فیصل ملک نےعمران خان کو بریفنگ دی ہے ۔ ہماری عمران خان سے سیاسی امور پر بھی بات چیت ہوئی،باہر ہونے والی مختلف پیش رفت پر بھی انھیں آگاہ کیا ہے

عمران خان نے کہا کہ اسٹیبلشمنٹ اور پی ٹی آئی کی ضرورت ملک اور عوام کو ہے ۔ پی ٹی آئی فیڈریشن کی جماعت جو پاکستان کو اکھٹا کر سکتی یے،فوج ملک کو متحد نہیں کر سکتی،سیاسی جماعتیں کر سکتی ہیں

عمران خان نے سیاسی رفقاء سے ملاقات نہ کروانے، تین ہفتے قبل بچوں سے ملاقات ٹیلی فونک ملاقات کے حوالے سے بھی بات کی ۔ عثمان گل نے عمران خان کو آگاہ کیا کہ توہین عدالت کی درخواست پر 28اپریل کو سماعت ہو گی

مائنز اینڈ منرلز پرعمران خان نے کہا کہ وزیر اعلیٰ کے پی اور سینئر لیڈر شپ آکر مجھے بریف کرے۔ عمران خان نے کہا کہ مائنز اینڈ منرلز بل متنازعہ ہو چکا ہے،لہذا ضروری ہے کہ لوگوں کو اعتماد میں لیں متنازعہ معاملات گڑ بڑ ہوں گے

افغانستان پرعمران خان نے کہا کہ انھوں نے تین سال لگا دیئے،ہم نے پہلے کہا تھا کہ دہشتگردی کے خاتمے کے لئے افغانستان سے بات چیت کرکے انھیں اسمیں شامل کرنا پڑے گا ۔ حکومت نے وقت کا ضیاع کیا جس سے قیمتی جانوں کا ضیاع ہوا،فوج کے جوان شہیدہوئے

ان چیزوں کو مدنظر نہیں رکھا گیا اس وقت بھی فارن ڈائریکٹ انویسٹمنٹ نہیں آرہی۔ زرمبادلہ کے بغیر ملک میں ترقی نہیں ہو سکتی،انوسٹمنٹ تبھی آئے گی جب ملک میں قانون کی حکمرانی ہو گی ۔
پی ٹی آئی کو کرش کرنے کے لیے ملک کو بنانا ریپبلک بنا دیا گیا،چاہے عدلیہ ہو،ایف آئی اے یا پولیس ہر ادارے کو تباہ کر دیا گیا ۔ ہم ایک وقت میں 9,9وکلاء بھی بانی سے ملےملاقات بانی کی فیملی کا آئینی حق ہے،کیوں اجازت نہیں دیتے۔
مزید پڑھیں :پنجاب کے سکولوں میں موسم گرما کی ابتدائی تعطیلات کی تازہ ترین اپ ڈیٹ،مریم نواز کی نئی ہدایات آگئیں