اسلام آباد ( اے بی این نیوز )وفاقی دارالحکومت اسلام آباد میں اسلامک انٹرنیشنل یونیورسٹی کی طالبہ کے قتل کے حوالے سے مزید جو انکشافات سامنے آئے ہیں ان کے مطابق نامعلوم قاتل ہفتے اوراتوارکی درمیانی شب ڈیڑھ بجے جی ٹین میں عون محمدرضوی روڈ پردوگھروں پرمشتمل نجی ہاسٹل میں گھسا اورڈیڑھ گھنٹہ کارپورچ میں چھپ کربیٹھارہا ۔
اس دوران انٹرنیشنل اسلامک یونیورسٹی کی طالبہ ایمان لان میں ٹہلنے کےلیےنکلی اوروہاں چھپے شخص کودیکھ کر چورچورکاشورمچادیا۔ اوربھاگ کرکمرےمیں پہنچی۔ قاتل بھی اس کےپیچھے ہولیا، کمرےمیں تین اورطالبات بھی موجودتھیں۔ قاتل نے انہیں انگلی سے اشارہ کرتےہوئے خاموش رہنےکاکہالیکن ایمان شورمچاتی رہی توقاتل نےاسے گولی مارکرقتل کردیا ۔
مقتولہ مانسہرہ کی رہائشی اوراسلامک انٹرنیشنل میں انٹرنیشنل ریلیشنزمیں ماسٹرزکر رہی تھی۔ پولیس نے مقتولہ کےبھائی کی مدعیت میں ایف آئی آردرج کرکےمختلف پہلووں سے تفتیش شروع کردی ہے۔
کہ کیایہ ٹارگٹ کلنگ ہے؟؟ قاتل چوری کے ارادے سےداخل ہواتھا؟؟ یاپھریہ ذاتی عناد کانتیجہ ہے۔ تھانہ رمنانےواقعہ کی قاتل کے چہرے کی شناخت کے لیے سی سی ٹی وی فوٹیج نادراکوبھجوادی ہے ۔
یہ بات قابل ذکرہےکہ پرائیوٹ ہاسٹل کی سیکورٹی کاکوئی بندوبست نہیں کیاگیاتھا ۔ اہل علاقہ کابھی کہناہےکہ انہوں نے کئی بارہاسٹل انتظامیہ سے اس بارےمیں بات کی لیکن انہوں نے سنی ان سنی کردی ۔ وفاقی دارالحکومت میں رہائشی علاقوں میں ہاسٹلزقائم کرنے کی اجازت نہیں ۔
مزید پڑھیں :مائینز اینڈ منرل ایکٹ،عمران خان سے جلدملاقات ،بات واضح ہوجائے گی،علی امین گنڈاپور
