راولپنڈی ( اے بی این نیوز )اعظم خان سواتی نےجوڈیشل کمپلیکس راولپنڈی میں گفتگو کرتے ہو ئے کہا ہے کہ عالیہ حمزہ سے اظہار یکجہتی کیلئے آیا ہوں۔ جو کہتے ہیں کوئی ڈیل ہورہی ہے انکی عقل چلی گئی ہے۔ عمران خان جمہوریت کیلئے آئین کی حکمرانی کیلئے بات کرے گا۔
باقاعدہ بات چیت کیلئے عارف علوی کا انتظار کر رہا ہوں۔ عارف علوی نے پچھلے ہفتے آنا تھا اب وہ اگلے ہفتے آرہے ہیں۔ ابھی حتمی طور پر کچھ نہیں کہا جاسکتا۔ بات چیت بانی کی رہائی کیلئے نہیں ہونی ہے۔
بانی پی ٹی آئی تاریخ میں اپنا نام رقم کرچکے ہیں۔ بانی سے ملاقات میں کہا مانسہرہ میں میرا ایک لاکھ ووٹ تھا اب ایک ووٹ بھی نہیں۔ پارٹی کی لیڈر شپ سے کہتا ہوں اب ہماری وہ حیثیت نہیں رہی۔
اب صرف بانی پی ٹی آئی اور عوام کا ساتھ ہے۔ پارٹی کے اندر مجھ پر تنقید پر تبصرہ نہیں کرونگا۔ پارٹی صرف بانی پی ٹی آئی اور اسکا ورکر ہے۔ عارف علوی بہت بڑا انسان ہے بانی کا رائٹ ہینڈ ہے۔
مزید پڑھیں :عمرکوٹ ، لالچند مالہی کا کارکنان کے ہمراہ سٹی تھانے کا گھیراؤ ،تیرت مالہی کی رہائی کا مطالبہ
