کراچی (اے بی این نیوز ) کراچی میں چپاتی اور نان کی قیمتوں میں نمایاں کمی۔ کراچی میں چپاتی اور نان کی نئی قیمتیں مقرر کر دی گئیں۔ کمشنر کراچی کی جانب سے جاری کردہ نوٹیفکیشن میں ہدایت کی گئی ہے کہ 100 گرام چپاتی 10 روپے اور 120 گرام نان 15 روپے میں فروخت کیا جائے۔
نوٹیفکیشن میں کہا گیا ہے کہ 150 گرام نان کی قیمت 17 روپے جبکہ 180 گرام نان کی قیمت 22 روپے مقرر کی گئی ہے۔ تندور مالکان کو ہدایت کی گئی ہے کہ قیمتوں کی فہرست فوری طور پر نمایاں جگہ پر آویزاں کریں۔ قیمتوں میں اضافے کے خلاف سخت کارروائی کی جائے گی، سرکاری قیمت سے تجاوز قابل سزا جرم ہے۔
کمشنر کراچی سید حسن نقوی نے بھی کہا ہے کہ شہری اس حوالے سے شکایات درج کرائیں۔ انہوں نے مزید کہا کہ نان اور چپاتی کی قیمتوں کی نگرانی کے لیے کنٹرول روم قائم کیا گیا ہے۔
مزید پڑھیں :حکومت متنازع نہری منصوبہ روکے ورنہ ساتھ نہیں چل سکتے، بلاول بھٹو نے شہباز شریف کو خبردار کردیا
