دمشق (اے بی این نیوز)تارکین وطن کی ایک اور کشتی لیبیا میں ڈوب گئی جس کے نتیجے میں 4 پاکستانیوں سمیت 11 افراد جاں بحق ہوگئے۔
لیبیا میں پاکستانی سفارتخانے کی جانب سے وزارت خارجہ کو بھیجی گئی رپورٹ میں بتایا گیا ہے کہ لیبیا کے مشرقی علاقے میں سیریت شہر کے قریب ہراوا کوسٹ میں کشتی کو حادثہ 12 اپریل کو پیش آیا۔

حادثے کے مقام سے اب تک گیارہ نعشیں نکالی جا چکی ہیں جن میں سے چار پاکستانیوں کی ہیں۔ پاکستانی سفارتخانے کی ایک ٹیم نے دستاویزات سے 4 نعشوں کی پاکستانیوں کے طور پر شناخت کر لی ہے۔

تین کا تعلق منڈی بہاؤالدین اور ایک کا گوجرانوالہ سے ہے۔پاکستانی سفارتخانہ حادثے کے متعلق مزید معلومات کیلئے مقامی حکام سے رابطے میں ہے۔
پیٹرولیم قیمتوں میں کمی کی تجویز وزیراعظم شہبازشریف کو ارسال، پیٹرول 8 روپے 27 پیسے ، ڈیزل 6 روپے 96 پیسے کمی کا امکان