راولپنڈی ( اے بی این نیوز    )

ایچ بی ایل پاکستان سپر لیگ (پی ایس ایل) 10 کے چوتھے میچ میں لاہور قلندرز نے کوئٹہ گلیڈی ایٹرز کو 79 رنز سے شکست دے دی۔ایچ بی ایل پاکستان سپر لیگ (پی ایس ایل) 10 کے چوتھے میچ میں لاہور قلندرز نے کوئٹہ گلیڈی ایٹرز کو جیت کے لیے 220 رنز کا ہدف دیا ہے۔

لاہور قلندرز نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 219 رنز بنائے۔لاہور قلندرز کی جانب سے فخر زمان نے 67 رنز کی اننگز کھیلی، ان کی اننگز میں 3 چھکے اور 7 چوکے شامل تھے۔

سیم بلنگز نے 19 گیندوں پر نصف سنچری اسکور کی اور ناقابل شکست رہے۔ سیم بلنگز نے 4 چھکوں اور 4 چوکوں کی مدد سے 50 رنز بنائے۔ان کے علاوہ عبداللہ شفیق اور ڈیرل مچل نے 37 رنز بنائے۔ محمد نعیم نے 10 اور سکندر رضا نے 6 رنز بنائے۔

کوئٹہ گلیڈی ایٹرز کی جانب سے عقیل حسین اور ابرار احمد نے 2،2 جبکہ فہیم اشرف اور عثمان طارق نے ایک ایک وکٹ حاصل کی۔یاد رہے کہ افتتاحی میچ میں لاہور قلندرز نے دفاعی چیمپئن اسلام آباد یونائیٹڈ کو 8 وکٹوں سے شکست دی تھی جب کہ گزشتہ روز کوئٹہ گلیڈی ایٹرز نے پشاور زلمی کو 80 رنز سے شکست دی تھی۔
مزید پڑھیں :