اسلام آباد ( اے بی این نیوز )سعودی عرب نے حج سیزن کے دوران پاکستان سمیت 14 ممالک پر عارضی ویزا پابندی عائد کر دی ہے۔ یہ پابندی عمرہ، بزنس اور فیملی ویزوں پر لاگو ہوگی اور جون کے وسط میں ختم ہونے کا امکان ہے۔

سعودی حکومت نے پاکستان کو باضابطہ طور پر اس فیصلے سے آگاہ کر دیا ہے، اور پاکستانی عمرہ ویزا ہولڈرز کو 29 اپریل تک وطن واپس جانے کی ہدایت کی گئی ہے۔ عمرہ ویزا ہولڈرز 13 اپریل تک سعودی عرب میں داخل ہو سکتے ہیں۔

پابندی کے تحت پاکستان، بھارت، بنگلا دیش، مصر، انڈونیشیا، عراق، نائیجیریا، اردن، الجزائر، سوڈان، ایتھوپیا، تیونس اور یمن شامل ہیں۔ پابندی کے باوجود سعودی عرب میں قیام کرنے والوں کو پانچ سال تک ویزا نہ ملنے کا امکان ہو سکتا ہے۔