اسلام آباد ( اے بی این نیوز )ملک میں ہفتہ وار بنیادوں پر مہنگائی بڑھنے کی شرح میں اضافہ۔ گزشتہ ہفتے کے دوران مہنگائی بڑھنے کی شرح میں 0.20 فیصد اضافہ ریکارڈ کیا گیا۔ سالانہ بنیادوں پر مہنگائی میں اضافے کی شرح 1.99 فیصد ریکارڈ کی گئی۔
ادارہ شماریات نے ملک میں مہنگائی کے حوالے سے ہفتہ وار رپورٹ جاری کردی۔ ایک ہفتے دوران 15 اشیاء ضروریہ کی قیمتوں میں اضافہہوا۔ 10 اشیاء کی قیمتوں میں کمی اور 26 اشیا کی قیمتیں مستحکم رہیں۔
گزشتہ ہفتے کے دوران برائلر گوشت کی قیمت میں 85 روپے 81 پیسے فی کلو اضافہ۔ آلو کی قیمت دو روپے فی کلو بڑھ گئی۔ ایک ہفتے کے دوران پیاز 3 روپے 18 پیسے فی کلو مہنگا ہو گیا۔
گڑ کی قیمت 2 روپے فی کلو بڑھ گئی۔
سرسوں کے تیل کی قیمت میں 3 روپے 39 پیسے فی کلو اضافہ ہوا۔ بیف کی قیمت میں 5 روپے 56 پیسے فی کلو اضافہ ریکارڈ۔ مٹن 2 روپے 33 پیسے فی کلو مہنگا ہوا۔ ٹماٹر، سیگریٹ، چینی، جلانے کی لکڑی اور کپڑا بھی مہنگی ہونے والی اشیاء میں شامل۔ ایک ہفتے کے دوران لہسن کی قیمت میں 35 روپے 99 پیسے فی کلو کمیہو ئی۔ کیلا 11 روپے 08 روپے فی درجن سستا ہو گیا۔
ایک ہفتے میں انڈے کی قیمت 12 روپے 68 پیسے فی درجن کم ہو گئی۔ دال ماش ایک روپے فی کلو سستی ہو ئی۔دال مونگ، دال مسور، خشک دودھ ، ایل پی جی اور پیٹرول بھی سستی ہونے والی اشیاء میں شامل ہیں ۔
مزید پڑھیں :کے پی حکومت کسی بھی افغان مہاجرکو زبردستی نہیں نکالے گی، علی امین گنڈاپور کا اعلان
