اہم خبریں

پنجاب پولیس کی خاتون افسر نےعالمی سطح پر پاکستان کا نام روشن کر دیا

پنجاب پولیس کی خاتون افسر ایس پی عائشہ بٹ نے عالمی سطح پر پاکستان کا نام روشن کر دیا ہے۔

ترجمان پنجاب پولیس کے مطابق، انٹرنیشنل ایسوسی ایشن آف ویمن پولیس (IAWP) نے عائشہ بٹ کو “ایکس لینس اِن پرفارمنس ایوارڈ 2025” کے لیے منتخب کیا ہے۔ یہ ایوارڈ ستمبر میں گلاسگو، اسکاٹ لینڈ میں ہونے والی 62ویں سالانہ کانفرنس میں دیا جائے گا۔ عائشہ بٹ اس وقت گوجرانوالہ میں سٹی ٹریفک افسر کی حیثیت سے خدمات انجام دے رہی ہیں۔

ترجمان کے مطابق، یہ ایوارڈ ہر سال دنیا بھر سے ایک خاتون پولیس افسر کو ان کی غیر معمولی خدمات کے اعتراف میں دیا جاتا ہے۔ عائشہ بٹ کو پولیسنگ کے شعبے میں ان کی شاندار کارکردگی اور خدمات کے اعتراف میں منتخب کیا گیا ہے۔

آئی جی پنجاب ڈاکٹر عثمان انور نے عائشہ بٹ کو اس کامیابی پر مبارکباد پیش کی اور کہا کہ ان کی کامیابی تمام پولیس افسران، خاص طور پر خواتین افسران کے لیے فخر کا باعث ہے۔

متعلقہ خبریں