اسلام آباد( اے بی این نیوز)جمعیت علمائے اسلام (ف) کے سربراہ مولانا فضل الرحمن سمیت اہم شخصیات کو عید کی نماز گھروں پر پڑھنے کا مشورہ دے دیا گیا، خیبر پختونخوا میں عید الفطر کے موقع پر سکیورٹی خدشات کے باعث سیاسی شخصیات کی عید کی روایتی تقریبات شدید متاثر ہوگئیں۔
دہشتگردی کے خدشات سے صوبے میں عید کی خوشیاں بھی مندی پڑ گئی ہیں، اس ضمن میں وفاقی حکومت کی جانب سے سیاسی جماعتوں کے قائدین اور اہم رہنماوں کے ساتھ ساتھ مذہبی رہنماوں کو احتیاط کرنے کی ہدایات کی گئی ہے، ان میں سے بیشتر رہنماؤں بشمول مولانا فضل الرحمن کو عید کی نماز بھی اپنی رہائش گاہ پر پڑھنے کی درخواست کی گئی ہے۔
اسکے علاوہ دیگر سیاسی شخصیات کو عوامی سطح پر عید ملن تقریبات کو محدود، رہائش گاہوں اور حجروں پر بھی حفاظتی انتظامات کرنیکی ہدایت کی گئی ہے۔ صوبائی حکومت نے تمام سیاسی شخصیات کے لیے خصوصی سکیورٹی انتظامات کیے ہیں، عید کے موقع پر عام شہریوں کو بھی احتیاطی تدابیر اختیار کرنے کی ہدایت کی گئی ہے۔
مزید پڑھیں: آزاد کشمیر،سماہنی کے جنگلات میں آگ ،قیمتی درخت جل گئے
