اسلام آباد ( اے بی این نیوز )محکمہ موسمیات نے عید کے دنوں میں موسم گرم اور خشک رہنے کا امکان ظاہر کیا ہے۔ مطابق محکمہ، عید کے دنوں میں زیادہ سے زیادہ درجہ حرارت 35 سے 37 ڈگری سینٹی گریڈ تک رہنے کی توقع ہے۔ اس دوران صبح کے اوقات میں شمال مغرب سے گرم اور خشک ہوائیں چلنے کا امکان ہے۔

محکمہ موسمیات کا مزید کہنا ہے کہ شام کے وقت سمندری ہوائیں دوبارہ بحال ہونے کا امکان ہے۔ اس کے علاوہ 4 اپریل سے درجہ حرارت میں مزید اضافے کی پیشگوئی کی گئی ہے۔

دوسری طرف، عید الفطر کا چاند دیکھنے کے لیے مرکزی رویت ہلال کمیٹی کا اجلاس 30 مارچ کو اسلام آباد میں طلب کیا گیا ہے، اور محکمہ موسمیات نے 30 مارچ کو چاند نظر آنے کا واضح امکان ظاہر کیا ہے۔