لاہور ( اے بی این نیوز       )بے سہارا و یتیم بچوں کا خستہ حال ادارہ ماڈل چلڈرن ہوم میں تبدیل۔ محسن نقوی کا نگران وزیر اعلی کی حیثیت سے لگایا پودا تناور درخت بن گیا۔ لاہور انسٹیٹیوٹ آف ہیلتھ سائنسز کی زیر نگرانی سمن آباد میں جدید سہولتوں سے آراستہ پہلے ماڈل چلڈرن ہوم کا قیام ۔
وفاقی وزیرداخلہ محسن نقوی کا ماڈل چلڈرن ہوم کا دورہ۔ بے سہارا و یتیم بچوں کے لیے ماڈل ہوم میں فراہم کردہ سہولتوں کا جائزہ لیا۔ وزیرداخلہ محسن نقوی نے بچوں کے کمروں۔ واش رومز اور کیفے ٹیریا کا معائنہ کیا۔ شاندار سہولتوں کو سراہا۔ گوہر اعجاز اور سلطان گوہر کو خراج تحسین پیش کیا۔
لاہور انسٹیٹیوٹ آف ہیلتھ سائنسز کے سربراہ گوہر اعجاز اور سلطان گوہر نے وزیر داخلہ محسن نقوی کو بریفنگ دی۔ وزیرداخلہ محسن نقوی نے بچوں میں عیدی اور عید گفٹس تقسیم کئے ۔ وزیرداخلہ محسن نقوی نے دو بھائیوں حیدر علی اور ابراہیم علی کو اپنے پاس بلایا ۔ ساتھ بیٹھایا اور دونوں بھائیوں سے شفقت کا اظہار کیا۔
وزیرداخلہ محسن نقوی نے کرکٹ کھیلنے والے بچے کامران سے ملاقات کی اور بچے کو اکیڈمی آنے کی دعوت دی ۔ وزیر داخلہ محسن نقوی نے عید گفٹ وصول کرتے ہوئے آبدیدہ ہونے والے بچے کو پیار کیا اور دلاسہ دیا۔
وفاقی وزیرداخلہ محسن نقوی نےبچوں کو عید گفٹ دینے کی تقریب سے خطاب کرتے ہو ئے کہا کہ 2023 میں رات گئے بے آسرا بچوں کے اس ادارے کا دورہ کیا۔ ادارے کی حالت انتہائی خراب تھی۔ اسی رات گوہر اعجاز کو فون کیا۔
واٹر فلٹریشن پلانٹ میں بہت زیادہ مٹی، کمروں کی حالت خستہ، کچن میں گندگی اور کیڑے مکوڑے پائے گئے۔ بچوں کو کوئی سنبھالنے والا نہیں تھا۔کئی کئی دن سٹاف نہیں آتا تھا۔ بچے حقیقی معنوں میں انتہائی بری حالت میں زندگی بسر کر رہے تھے۔ ایسے حالات تھے کہ انسان کے رونگھٹے کھڑے ہوجاتے تھے۔
گوہر اعجاز کو کہا کہ یہ کام سرکار کسی بھی صورت نہیں کرسکتی۔ زیادہ خوشی کی بات ہے کہ گوہر اعجاز کے کام کو ان کے بیٹے سلطان گوہر بہترین انداز میں آگے لے کرگئے ہیں۔اللہ تعالی جزا دے۔
گوہر اعجاز نے کہا کہ محسن نقوی کی رات 2 بجے کال ائی اور انہوں نے ابتر صورتحال پر افسوس کا اظہار کیا – ۔ محسن نقوی نے بحالی کی ذمہ داری سونپی۔ میں نے زبان دی اور اللہ تعالٰی نے کامیاب کیا۔
مزید پڑھیں :آئی جے پی روڈ پر ٹریفک حادثہ میں تین افراد جاں بحق،سات زخمی