اسلام آباد( اے بی این نیوز)محکمہ تعلیم پنجاب کی جانب سے عید کی تعطیلات کے بعد سکولوں کیلئے نئے اوقات کار جاری کر دیئے گئے ہیں۔ اس ضمن میں جاری نوٹی فیکشن کے مطابق سنگل شفٹ سکولز صبح 8 بجے لگا کرینگے ،چھٹی ڈیڑھ بجے ہو گی جب کہ سنگل شفٹ سکولز کو جمعہ کے روز 12 بجے چھٹی ہو گی۔
نوٹیفیکشن کے مطابق ڈبل شفٹ میں صبح 8 بجے سکولز لگیں گے، چھٹی ساڑھے 12 بجے ہو گی۔ جب کہ ڈبل شفٹ سکولز کو جمعہ کے روز دوپہر 12 بجے چھٹی ہوا کرے گی۔
اس کے علاوہ سیکنڈ شفٹ میں سکولز دوپہر 1 بجے لگیں گے،چھٹی شام ساڑھے 5 بجے ہوگی، سیکنڈ شفٹ میں جمعہ کے روز سکول اڑھائی بجے لگا کریں گے۔ نوٹی فیکشن کے مطابق نئے اوقات کار کا اطلاق 7 اپریل سے ہوگا اور 15 اکتوبر تک نافذ رہیں گے۔
مزید پڑھیں: بینک الفلاح کی نئی چال! اے ٹی ایم استعمال کرنے پر ناقابلِ یقین حد تک زیادہ چارجز وصول
