مدینہ (اے بی این نیوز)مسجدالحرام اور مسجد نبویؐ میں شب قدر کی تلاش میں تیسری طاق رات پر خصوصی عبادات کا اہتمام کیا گیا جس میں لاکھوں نمازیوں نے شرکت کی۔رمضان المبارک کے آخری عشرے کی 25 ویں شب کے موقع پر مسجدالحرام اور مسجد نبویؐ میں 25 لاکھ سے زائد نمازی شریک ہوئے اور نوافل ادا کئے۔

مسجدالحرام اور مسجدنبوی ؐکی چھتوں،صحن اور ارد گردشاہراہوں،کلاک ٹاور میں نمازیوں کا بھرپور رش دیکھا گیا، طواف وعمرہ کے بعد نماز تراویح، قیام اللیل اور اجتماعی دعائوں کیلئے نمازیوں کی بڑی تعداد شریک ہوئی۔

اس موقع پرزائرین کے تحفظ کے لئے 20 ہزار پبلک سکیورٹی فورس کے اہلکار مصروف عمل رہے، فورس نے ہجوم کی کنٹرول و منظم کرنے کے لئے راہداری کی نگرانی کی۔فورس نے ٹریفک کی روانی، نقل وحرکت کو یقینی بنانے کے لئے جدید ترین ٹیکنالوجی اور مواصلاتی نظام کا استعمال کیا۔
مزید پڑھیں: جعفر ایکسپریس حملہ،4 سہولت کار گرفتار