اسلام آباد (نیوزڈیسک)صدر مملکت آصف زرداری نے دورہ لاہور کے دوران پنجاب میں پاکستان پیپلز پارٹی (پی پی پی)کو متحرک کرنے کیلئے ہدایات جاری کر دیں۔صدر آ صف زرداری کی جانب سے صوبہ پنجاب میں زیادہ عہدیدار نامزد کرکے پاکستان پیپلز پارٹی کی پنجاب میں مقبولیت بڑھانے کا نیا فارمولا لانے کا فیصلہ کرلیا گیا،
ذرائع کے مطابق نئے تنظیم سازی پلان کے تحت بڑے شہروں میں ضلعی کمیٹیاں ختم کرنے کا فیصلہ کرتے ہوئے نئے پلان کے اطلاق کی ابتدا لاہور سے کی جائیگی، نئی تنظیم سازی کے تحت صوبائی دار ا لحکومت 9 ٹاؤنز اور ایک کنٹونمنٹ پر مشتمل ہوگا،
لاہور میں ٹاؤن کی سطح پر تنظیم سازی کرنے کا فیصلہ پارٹی کو متحرک کرنے کیلئے کیا گیا،پارٹی ذرائع کے مطابق تنظیم سازی کے عمل سے زیادہ سے زیادہ پارٹی کارکنوں کو لاہور تنظیم میں شامل کیا جائیگا،
لاہور میں عہدیدار نامزد کرنے کے بعد دیگر شہروں میں بھی اسی فارمولے کا اطلاق کیا جائیگا، قیادت کی رائے ہے نئے پلان کے تحت زیادہ تنظیمی عہدیداران سے پارٹی متحرک ہوگی،ذرائع کے مطابق پنجاب میں عید کے بعد کارکنان کی رکنیت سازی میں بھی تیزی آئیگی۔
190ملین پاؤنڈ کیس، عمران خان اور بشری بی بی کی سزا معطلی درخواست پر سماعت عید کے بعد تک ملتوی
