لاہور (اے بی این نیوز) وزیراعلی مریم نواز کا جناح ہسپتال کا طوفانی دورہ ۔ بد انتظامی پر ایم ایس کو معطل کر نے کا حکم اورپرنسپل کو عہدہ چھوڑنے کی ہدایت کردی۔وزیراعلی پنجاب مریم نواز کے اچانک جناح ہسپتال پہنچنے پر شکایات کے انبار لگ گئے۔
وزیراعلی مریم نواز نے میڈیسن سٹور کا بھی معائنہ کیا۔میڈیسن سٹور میں ادویات موجودہونے کے باوجود مریضوں کو محروم رکھنے پر برہمی کا اظہار کیا۔ جناح ہسپتال ایمرجنسی وارڈ کا بھی دورہ ، ایمرجنسی میں مریضوں اور تیمارداروں سے بات چیت کی۔
وزیراعلی مریم نواز نے مریضوں کو ملنے والے نسخے اور میڈیسن چیک کیں۔بزرگ مریضہ نے ڈھیروں دعائیں دیں۔وزیراعلی نے خاتون مریضہ کو گلے لگا کر تسلی دی۔وزیراعلی مریم نواز نے میڈیسن اور طبی ٹیسٹ کے بارے میں دریافت کیا۔جناح ہسپتال میں مریضوں نے ایمرجنسی میں ادویات نہ ملنے اور دیگر شکایات بھی کی۔
وزیراعلی مریم نواز نے صفائی اور دیگر امور کا بھی جائزہ لیا، ایمرجنسی وارڈ میں میڈیسن نہ ملنے پر ناراضگی اظہارکیا۔وزیراعلیٰ پنجاب مریم نواز نے صبح سویرے لاہور شہر کا بھی اچانک غیر علانیہ دورہ کیا۔ اور شہر کے مختلف علاقوں میں ”ستھرا پنجاب“ کے تحت صفائی کی صورتحال کا جائزہ لیا اورمختلف سڑکوں اور بازاروں کا معائنہ کیا۔
وزیراعلیٰ نے روڈز پر صفائی کی صورتحال کا مشاہدہ بھی کیا۔ بعدازاں وزیراعلیٰ مریم نواز نے ہربنس پور ہ میں کھڑے فیلڈ ہسپتال کاا چانک دورہ کیا اورفیلڈ ہسپتال میں دستیاب طبی سہولتوں کا جائزہ لیا۔ وزیراعلیٰ مریم نواز نے فیلڈ ہسپتال میں موجود ادویات کاسٹاک اور معیار بھی چیک کیا،
بنگلا دیشی عدالت کا کرکٹر شکیب الحسن کے اثاثے ضبط کرنے کا حکم
